‘रुकुम मैकोट’ गीतको युट्युब भ्यूज १५ करोड नाघ्यो

News Summary

Generated by OK AI. Editorially reviewed.

फिल्म 'खुस्मा'को गीत 'रुकुम मैकोट'ले युट्युबमा १५ करोड भ्यूज नाघेको छ।
यो गीतले २०८१ माघ २४ गते सबैभन्दा छिटो १० करोड भ्यूज पाउने नेपाली गीतको रेकर्ड राखेको थियो।
एसडी योगीको संगीत, योगी र शान्तिश्री परियारको आवाज र सुरेन्द्र रानाको शब्द रहेको यो गीत लोकलय र मनछुने शब्दका कारण लोकप्रिय छ।

काठमाडौं । फिल्म ‘खुस्मा’को चर्चित गीत ‘रुकुम मैकोट’को लोकप्रियता अझै रोकिएको छैन । युट्युबमा रिलिज भएको १ वर्ष बितिसक्दा पनि युट्युबमा यसले लोभलाग्दो भ्यूज प्राप्त गरिरहेको छ ।

यो समाचार लेख्दासम्म यो गीतको युट्युब भ्यूज १५ करोड नाघेको छ । २०८१ माघ २४ गते यो गीतले सबैभन्दा छिटो १० करोड भ्यूज पाउने नेपाली गीतको रेकर्ड राखेको थियो ।

यो गीतले डेढमहिनासम्म युट्युबको ग्लोबल ट्रेन्डिङमा पर्ने नेपाली गीतको समेत रेकर्ड राखेको थियो । सम्भवतः यो गीत सर्वाधिक टिकटक भिडियो निर्माण हुने नेपाली गीत बनेको अनुमान छ ।

यो गीतमा एसडी योगीको संगीत, योगी र शान्तिश्री परियारको आवाज र सुरेन्द्र रानाको शब्द छन् । लोकलय र मनछुने शब्दको कारण यो गीतलाई धेरैले रुचाए ।

गीतमा धीरज मगर र उपासनासिंह ठकुरीले अभिनय गरेका छन् ।