नेपालको उदाहरण दिंदै आदित्यनाथले भने- साना साना कुरा पनि समयमै गर्नुपर्छ

News Summary

Generated by OK AI. Editorially reviewed.

उत्तर प्रदेशका मुख्यमन्त्री योगी आदित्यनाथले जनताका साना समस्या समयमै समाधान गर्नुपर्नेमा जोड दिनुभएको छ।
उहाँले नेपालमा भएको जेन-जी आन्दोलनलाई उदाहरण दिँदै साना कुरा बेवास्ता गर्दा ठूला समस्यामा परिणत हुने बताउनुभयो।
आदित्यनाथले जनप्रतिनिधिहरूले जनताको आक्रोश सहनु पर्ने र धैर्यपूर्वक गुनासो सुन्ने जिम्मेवारी लिनुपर्ने उल्लेख गर्नुभयो।

२८ भदौ, काठमाडौं । भारतको उत्तर प्रदेशका मुख्यमन्त्री योगी आदित्यनाथले जनताका साना-साना समस्या पनि समयमै समाधान गर्नुपर्नेमा जोड दिएका छन् ।

नेपालमा भएको जेन-जी आन्दोलनको उदाहरण दिंदै शनिबार आदित्यनाथले साना कुरा बेवास्ता गरे ठूला समस्यामा परिणत हुने बताएका हुन् ।

समाचार संस्था पीटीआईका अनुसार उनले जनताका समस्यलाई संवेदनशील ढंगले समाधान गर्नुपर्ने बताए ।

‘साना कुरा बेवास्ता गरिएमा ठूला समस्यामा परिणत हुने गरेको छ । छिमेकी मुलुकमा देखिएको अवस्थाले यसलाई प्रष्ट पारेको छ’ उनले भने, ‘त्यसैले समस्यालाई संवेदनशीलतापूर्वक र सक्रिय ढंगले सम्बोधन गर्नुपर्छ ।’

आदित्यनाथले जनप्रतिनिधिहरूले पनि कहिलेकाहीँ जनताको आक्रोश सहनुपर्ने भएकाले धैर्यपूर्वक उनीहरूको गुनासो सुन्ने र विवेकपूर्ण रूपमा समाधान गर्ने जिम्मेवारी लिनुपर्नेमा जोड दिए ।