जेनजी आन्दोलनमा ज्यान गुमाएकाको सम्झनामा शंकरदेव क्याम्पस अगाडि दीप प्रज्वलन

News Summary

Generated by OK AI. Editorially reviewed.

काठमाडौंमा जेनजी आन्दोलनका शहादतप्राप्तहरूको स्मृतिमा स्वतन्त्र शैक्षिक परामर्श संघ, नेपालले दीप प्रज्वलन गरेको छ।
फेकनका द्वितीय सचिव राजकुमार ढकालले मृतकहरूको आत्माको चीर शान्ति र घाइतेहरूको शीघ्र स्वास्थ्यलाभको कामना गर्दै दीप प्रज्वलन गरिएको बताए।
गत सोमबार र मंगलबार देशभर फैलिएको जेनजी आन्दोलनमा अहिलेसम्म ७२ जनाले ज्यान गुमाएका छन् र करिब २०० जना उपचाररत छन्।

२९ भदौ, काठमाडौं। जेनजी आन्दोलनका क्रममा शहादत प्राप्त गरेकाहरूको स्मृतिमा काठमाडौंमा दीप प्रज्वलन गरिएको छ ।

आइतबार साँझ शंकरदेव क्याम्पस अगाडि स्वतन्त्र शैक्षिक परामर्श संघ, नेपाल (फेकन) का सदस्यहरूले दिवंगत आत्माप्रति श्रद्धाञ्जली अर्पण गर्दै सयौं दीप प्रज्वलन गरेका हुन् ।

फेकनका द्वितीय सचिव राजकुमार ढकालले आन्दोलनमा ज्यान गुमाएकाहरूको आत्माको चीर शान्ति र घाइतेहरूको शीघ्र स्वास्थ्यलाभको कामना गर्दै दीप प्रज्वलन गरिएको बताए ।

कार्यक्रममा फेकनसँग आवद्ध सदस्यहरू उपस्थित थिए । उनीहरूले हातमा बालेको क्याण्डलमार्फत मृतकप्रति श्रद्धाञ्जली अर्पण गर्दै मौन प्रार्थना गरेका थिए । दीपको उज्यालोले वातावरणलाई शोकमग्न र भावुक बनाएको थियो ।

गत सोमबार र मंगलबार देशभर फैलिएको जेनजी आन्दोलनमा अहिलेसम्म ७२ जनाले ज्यान गुमाइसकेका छन् भने करिब २०० जना अझै उपचाररत छन् ।