दोस्रो विश्वयुद्धका २ बम भेटिएपछि बर्लिनमा २० हजार मानिस प्रभावित

News Summary

Generated by OK AI. Editorially reviewed.

जर्मनीको राजधानी बर्लिनमा दोस्रो विश्वयुद्धकालीन दुई बम फेला परेपछि करिब २० हजार मानिसलाई घर खाली गर्नुपरेको छ।
पहिलो बम स्प्री नदीको फिसरइन्सेल क्षेत्रमा फेला परेको थियो र करिब १० हजार मानिस हटाइएको छ।
दोस्रो बम स्पान्डाउ जिल्लामा फेला परेको थियो र करिब १२ हजार ४०० मानिस हटाइएको छ, यसलाई शुक्रबार निष्क्रिय गरिनेछ।

३ असोज, काठमाडौं । जर्मनीको राजधानी बर्लिनमा बिहीबार साँझ दोस्रो विश्वयुद्धकालीन दुई बम फेला परेपछि करिब २० हजार मानिसलाई आफ्नो घर खाली गर्नुपरेको छ।

प्रहरीले बम वरिपरि ५०० मिटरको सुरक्षा घेरा बनाएर घर-घरमै गएर मानिसलाई बाहिर निस्कन आदेश दिएको थियो ।

पहिलो बम स्प्री नदीको फिसरइन्सेल क्षेत्रमा फेला परेको हो, जहाँ करिब १० हजार मानिसलाई हटाइएको छ ।

बिहीबार रातिदेखि नै बम फेला परेको ५०० मिटर क्षेत्रलाई सुरक्षित क्षेत्र घोषणा गर्दै प्रहरी घर–घर पुगेर सूचना दिएको थियो ।

यस क्षेत्रमा केही दूतावास र सरकारी कार्यालयहरू पनि पर्छन् । त्यहाँ सडक बन्द गरिएको छ र एक मेट्रो लाइन अस्थायी रूपमा रोकिएको छ । विकल्प नभएका नागरिकका लागि अस्थायी शिविर बनाएर राखिएको स्थानीय सञ्चार माध्यमहरूले उल्लेख गरेका छन् ।

दोस्रो बम पश्चिमी जिल्ला स्पान्डाउमा भेटिएको हो । करिब १०० किलो तौलको यो बम बुधबार फेला परेको थियो । शुक्रबार यसलाई निष्क्रिय गरिनेछ । यस क्षेत्रमा करिब १२ हजार ४०० मानिसलाई हटाइएको छ ।

प्रहरीका अनुसार बमबाट ठूलो जोखिम नभएकाले तत्काल सुरक्षाकर्मी परिचालन गरी पछि निष्क्रिय गर्ने तयारी गरिएको हो ।