तोकिएकै समयमा निर्वाचन गराउन एकीकृत समाजवादीको आग्रह

फाइल फोटो

News Summary

Generated by OK AI. Editorially reviewed.

नेकपा एकीकृत समाजवादीले तोकिएकै समयमा प्रतिनिधि सभा चुनाव हुने वातावरण बनाउन सरकार र सबै पक्षसँग आग्रह गरेको छ।
पार्टीको सचिवालय बैठकले निष्पक्ष, शान्तिपूर्ण र भयरहित निर्वाचन सुनिश्चित गर्न सबैमा हार्दिक आह्वान गरेको छ।
एकीकृत समाजवादीले जेनजी विद्रोहमा भएको दमन र क्षतिबारे छानबिन गर्न आयोग गठनको माग गरेको छ।

३ असोज, काठमाडौं । नेकपा एकीकृत समाजवादीले तोकिएकै समयमा प्रतिनिधि सभा चुनाव हुने वातावरण बनाउन सरकार र सम्बन्धित सबै पक्षसँग आग्रह गरेका छन् ।

बिहीबार बसेको सचिवालय बैठकले तोकिएकै समयमा चुनाव गराउने वातावरणका निम्ति सबै पक्षसँग आग्रह गर्ने निर्णय गरेको हो ।

‘तोकिएको मितिमा निष्पक्ष, शान्तिपूर्ण र भयरहित वातारणमा निर्वाचन सुनिश्चित गर्न, गराउन हाम्रो पार्टी नेपाल सरकार, राजनीतिक दलहरू, नागरिक समाज एवं सम्बन्धित सबैमा हार्दिक आह्वान गर्दछ,’ प्रचार विभाग प्रमुख प्रकाश ज्वालाले जारी गरेको वक्तव्यमा भनिएको छ ।

एकीकृत समाजवादीले जेनजी विद्रोहमा भएको दमन र प्रदर्शनकारीबाट भएको भौतिक संरचना क्षतिबारे छानबिन गर्न आयोग गठनको माग पनि राखेको छ ।