तेस्रो सन्तानकी आमा बनिन् पपस्टार रिहाना

News Summary

Generated by OK AI. Editorially reviewed.

विश्वप्रसिद्ध पप गायिका रिहानाले सेप्टेम्बर १३ मा तेस्रो सन्तानको रुपमा छोरी रकी आइरिस मेयर्सलाई जन्म दिएकी छिन्।
रिहानाले सामाजिक सञ्जालमा नवजात छोरीको पहिलो तस्वीर सेयर गर्दै जन्म मिति र नाम जानकारी गराएकी छिन्।
रिहाना र एएसएपी रकीको तीन सन्तान छन्, दुई छोरा र एक छोरी, र उनीहरूले सन् २०२० मा डेटिङ सुरु गरेका थिए।

काठमाडौं । विश्वप्रसिद्ध पप गायिका रिहानाले तेस्रो सन्तानको रुपमा छोरीलाई जन्म दिएकी छिन् ।

३७ वर्षे गायिकाले पुत्रीलाभ गरेको हलिउड मिडियाले जनाएका छन् । छोरीको पहिलो तस्वीर सामाजिक सञ्जालमा सेयर गर्दै उनले प्रशंसकलाई यसबारे जानकारी दिएकी छन् ।

गुलाबी रंगमा बेरिएकी उनकी छोरी आमाको काखमा शान्तिपूर्वक सुतिरहेको देखिन्छिन् । उनले पोस्टमा नवजात छोरीको जन्म मिति र नाम सेयर सेयर गरेकी छन् ।

सेप्टेम्बर १३ मा आफ्नो तेस्रो बच्चा रकी आइरिस मेयर्सलाई जन्म दिएको उनले उल्लेख गरेकी छन् ।

पुनः आमा बनेकोमा उनलाई बधाईको ओइरो छ । उनको घरका सबै सदस्यको नाम आरबाट आएको प्रशंसकले सामाजिक सञ्जालमा उल्लेख गरेका छन् ।

रिहाना र एएसएपी रकीका तीन सन्तान छन्, दुई छोरा, आरजेडए र रायट, र उनकी कान्छी छोरी, रकी आइरिस मेयर्स । यो जोडीले सन् २०२० मा डेटिङ सुरु गरेका थिए ।

पिपल म्यागजिनले एक स्रोतलाई उद्धृत गर्दै लेखेको छ, ‘रिहाना सँधै ठूलो परिवार चाहन्थिन् । रिहाना र रकी आफ्नो परिवार विस्तार गर्न धेरै उत्साहित छन् र आफ्ना छोरालाई अर्को भाइबहिनी दिन पाउँदा रोमाञ्चित छन् ।’