२०८२ असोज १० गते ६:२९ 
News Summary
Generated by OK AI. Editorially reviewed.- स्पानिस ला लिगामा बार्सिलोनाले रियल ओभिएडोलाई ३-१ ले पराजित गर्दै शीर्ष स्थानको रियल मड्रिडलाई पछ्याइरहेको छ।
- बार्सिलोनाका एरकि गार्सियाले ५६औं मिनेटमा बराबरी गोल गरेपछि रोवर्ट लेवान्डोस्की र कप्तान रोनाल्डो अराउजोले गोल गरे।
- बार्सिलोनाले ६ खेलबाट १६ अंक जोडेर दोस्रो स्थानमा पुगेको छ भने रियल मड्रिड १८ अंकसहित शीर्ष स्थानमा छ।
१० असोज, काठमाडौं । स्पानिस ला लिगामा बार्सिलोनाले बिहीबार राती भएको खेलमा रिएल ओऐिएडोमाथि ३-१ को पुनरागमन जित निकाल्दै शीर्ष स्थानको रियल मड्रिडलाई पछ्याइरहेको छ ।
घरेलु मैदानमा अल्बर्टो रेइनाले ३५औं मिनेटमा गोल गर्दै रियल ओभिएडोलाई अग्रता दिलाएका थिए । तर उसले त्यो कायम राख्न सकेन भने साविक विजेता बार्सिलोनाले दोस्रो हाफमा पुनरागमन गर्दै तीन गोल गरेको हो ।
बार्सिलोनाका लागि एरकि गार्सियाले ५६औं मिनेटमा बराबरी गोल पर्काएका थिए ।त्यसपछि रोवर्ट लेवान्डोस्कीले ७०औं मिनेटमा गोल गर्दै बार्सिलोनालाई २-१ को अग्रता दिलाए । कप्तान रोनाल्डो अराउजोले ८८औं मिनेटमा गोल गर्दै बार्सिलोनाको जित पक्का गरे ।
यस सिजन पाँचौ खेल जितेको बार्सिलोनाले ६ खेलबाट १६ अंक जोडेर दोस्रो स्थानमा छ । रियल शतप्रतिशत जितसहित १८ अंक जोडेर शीर्ष स्थानमा छ ।
प्रतिक्रिया 4