+
+
Shares

दलहरु एकीकृत भएर लोकतन्त्र बचाउन अघि सर्नुपर्छ : कांग्रेस प्रवक्ता महत

अनलाइनखबर अनलाइनखबर
२०८२ असोज १२ गते १०:२८

१२ असोज, काठमाडौं । नेपाली कांग्रेसका प्रवक्ता डा. प्रकाशशरण महतले पार्टीहरु एकीकृत भएर लोकतन्त्र बचाउन र देशलाई मजबुत बनाउन अघि बढ्नुपर्ने बताएका छन् ।

लोकतन्त्र र देशलाई कमजोर पार्न खोज्ने शक्तिहरु सक्रिय रहेको भन्दै उनले दलहरुको जागरुकता र एकतामा जोड दिएका हुन् ।

आइतबार बिहान महाराजगञ्जस्थित निवासमा आयोजित पत्रकार भेटघाट कार्यक्रममा बोल्दै उनले भने, ‘फेरि पार्टीहरु जागरुक भएर, एकीकृत भएर लोकतन्त्र बचाउन र देशलाई मजबुत गर्न हामी अघि सर्ने छौं । हामीमा भएका कतिपय कमजोरी त्रुटीहरुलाई पनि समीक्षा गर्नेछौं ।’

पार्टी कार्यालय र नेताहरुको घर आगजनी, तोडफोड गरे पनि आत्मविश्वास नहारेको बताउँदै उनले भने, ‘हामी पुन: जागरुक भएर उठ्ने छौं ।’

प्रवक्ता महतले राजनीतिक दलहरुलाई थाङथिलो पार्ने षड्यन्त्रअनुसार काम गरिएको भन्दै ठूलो बलिदान र त्याग तपस्याबाट राजनीतिक दलहरु निर्माण भएको बताए । कांग्रेस समीक्षासहित आउने र नेपाललाई विकास निर्माण तथा रोजगारीको दिशामा लैजानेबारे गम्भीर चिन्तन गर्ने बताए ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?