घरमा रङ लगाउँदै हुनहुन्छ ? थाहा पाउनुहोस् यी कुरा

कुनै पनि घर भव्य र आकर्षक तरिकाले बनाइएको भए पनि यदि त्यसमा रङ लगाइएन भने त्यो कुरुप नै देखिन्छ । तर, पहिले जस्तो अहिले घर चिटिक्क पार्न गाह्रो छैन । मात्र, त्यसका लागि केही खर्च र बुद्धिको प्रयोग गर्नुपर्छ ।

घरको रङरोगनका लागि अरुलाई पैसा दिएर काम लगाउनुको सट्टा सम्भव छ भने आफैँ पनि गर्न सकिन्छ । आफैं गर्नाले खर्च र समय दुवै बचत हुन्छ । त्यति मात्र होइन, आफैं लगाउँदा सिर्जनात्मक तरिका पनि भित्तामा कोर्न सकिन्छ ।

घरमा रङ लगाउनुअघि यसबारे जान्न आवश्यक हुन्छ ।

चल्तीका रङबारे जानकारी

घर रङाउन विभिन्न प्रकारका रङहरू प्रयोग गरिन्छ ।

डिस्टेम्पर रङ, इमल्सन रङ, लस्टर रङ र टेक्सचर रङ । यससँगै इनामेल र पुटिङ पनि आवश्यक पर्छ । डिस्टेम्पर रङ पानी र चुना मिसाएर बनाइन्छ । विशेषगरी भित्री यो सजावटका लागि उपयुक्त हुन्छ ।

इमल्सन रङ पानी वा तेलमा आधारित रङ हो । यो भित्री तथा बाहिरी भित्ताहरूमा प्रयोग गरिन्छ । यसले रङलाई टिकाउ र आकर्षक बनाउँछ । यो छिटो सुक्छ र उत्कृष्ट फिनिसिङ दिन्छ । यसमा भएका दागहरूलाई डिटर्जेन्ट घोल भएको कपडाले सफा गर्न सकिन्छ । यसमा एन्टी–फंगल गुणहरू पनि हुन्छन् ।

टेक्स्चर एक विशेष प्रकारको रङ हो, जुन भित्तामा विभिन्न डिजाइन र ढाँचाको प्रभाव सिर्जना गर्न प्रयोग गरिन्छ । घरमा विशेष स्पर्श दिइएका भित्ताहरूमा टेक्सचर पेन्ट प्रयोग गरिन्छ । यसलाई लगाउनको लागि चक्कु, रोलर, ब्रस र पुट्टी जस्ता विशेष उपकरणहरू प्रयोग गरिन्छ ।

यो सामान्य रङभन्दा बाक्लो हुन्छ । यसमा बालुवा, पोलिमर वा अन्य सामग्रीहरू मिसाइन्छ जसले सतहमा खास बनावट दिन्छ ।

इनामेल रङले पानी, दाग र फोहोरबाट जोगाउँछ, जसले सफा गर्न सजिलो हुन्छ । यो लामो समय टिक्छ । मानिसको धेरै आवतजावत हुने सतहहरू ढोका, झ्याल, फर्निचर, धातु र बाहिरी सतहमा यसको प्रयोग गरिन्छ ।

त्यस्तै, पुटिङ एक प्रकारको सेतो सिमेन्ट हो, जसले पानीबाट पनि बचाउँछ । यदि भित्ताको सतह खस्रो छ भने यो लगाउँदा राम्रो फिनिसिङ आउँछ ।

रङ लगाउँदा छुटाउनै नहुने सामाग्री हो, प्राइमर ।

यसको काम हो, जस्तो रङ छ त्यस्तै रङ जुनसुकै ठाँउमा लगाउँदा देखाउने । पुटिङ प्रयोग गर्नुअघि रङ राम्रोसँग टाँस्नका लागि प्राइमरको कोट राम्रो हुन्छ ।

सिमेन्ट रङ पानीमा आधारित सिमेन्ट रङ बाहिरी भित्ताहरूमा चुहावट र फोहोर रोक्न प्रयोग गरिन्छ । यो रङ सिमेन्ट जस्तो देखिने भएकोले भित्ताहरू सजाउन र सुरक्षा गर्न राम्रो छ । यसले सूर्यको किरण, वर्षा, गर्मी र आद्र्रताबाट भित्ताहरूलाई जोगाउँछ। धातुको रङमा चमक हुन्छ । किनभने धातुका टुक्राहरू र गिलास यसको आधारमा थपिन्छन् ।

यो रङमा मुख्यतया आइरन अक्साइड हुन्छ, जसलाई धातुको फ्लेक वा पोलिक्रोमेटिक पनि भनिन्छ । यो विशेष गरी एक्सेन्ट भित्ताहरूमा प्रयोग गरिन्छ, किनकि यसले भित्ताहरूमा चमक दिन्छ ।

बजारमा थरिथरिका रङ

बजारमा थुप्र्रै रङहरू पाइन्छन् । अहिले चल्तीमा रहेका रङहरूमा गनिने भनेको डुलेक्स पेन्ट्स, बर्जर पेन्ट्स, नेरोल्याक पेन्ट्स, एसियन पेन्ट्स, इन्डिगो पेन्ट्स, निप्पोन पेन्ट्स, पशुपति पेन्ट्स आदि हुन् ।

बजारमा यही नामसँगै मिल्ने नाम गरेका धेरै थरीका रङहरू पनि उपलब्ध छन् । ठूला पेन्ट कम्पनीहरूले आफैंले पेन्टिङ गर्नुअघि यसबारे पूर्णजानकारी दिन थालेका छन् । जसले गर्दा सही कम्पनी छनौट गर्न सहज हुन्छ ।

एसियन पेन्ट्सको रोयल, एप्को लाइट इमल्सन र ट्रयाक्टर डिस्टेम्पर धेरैको रोजाइमा पर्छ । नेरोल्याक पेन्टहरूमा सबैभन्दा लोकप्रिय ब्रान्ड कान्साइ नेरोल्याक पेन्ट्स हो । यस बाहेक, इम्प्रेसन अल्ट्रा एचडी, इम्प्रेसन अल्ट्रा फ्रेश, इम्प्रेसन २४ क्यारेट, इम्प्रेसन मेटालिक फिनिश र अन्य धेरै समान ब्रान्डहरू छन् ।

बर्जर पेन्टमा सबैभन्दा लामो समयसम्म टिक्ने ग्लस र सेमी ग्लस पेन्ट छ । डुलेक्स पेन्ट्सले पर्ल ग्लो र डुलेक्स भेलभेट टच सहित आन्तरिक पेन्टहरूको विस्तृत श्रृंखला प्रदान गर्छ ।

यसबाहेक, डुलेक्स वेदरशिल्ड पेन्ट हो । यसमा भित्ता पुटिङ, एक्रिलिक प्राइमर, पानीमा आधारित सिमेन्ट प्राइमर लगायत समावेश छन् । शालिमार पेन्ट्स यसको पेन्टहरूका लागि सबैभन्दा मनपर्ने हो जसमा चिया, कफी र केचप जस्ता सामान्य वस्तुको दागहरू हटाउने क्षमता हुन्छ ।

इन्डिगो पेन्ट्समा प्राइमर, डिस्टेम्पर, इमल्सन र डिस्टेम्पर सहित पानीमा आधारित पेन्टहरू छन् । जोनसन र निकोल्सन पेन्ट्स पनि धेरै लोकप्रिय छन् । यो सबैभन्दा पुरानो पेन्ट कम्पनीहरू मध्ये एक हो ।

रङको बजार मूल्य

रङको मूल्य कम्पनी र रङमा निर्भर गर्छ । खुद्रा विक्रेता र थोक बिक्रेताको फरक–फरक मूल्य हुन सक्छ । धेरै व्यापारीले एमआरपी भन्दा कम मूल्यमा बेच्छन् । तर, तिनीहरूको मार्जिन उच्च छ ।

पेन्ट कम्पनीहरूले धेरै बिकाउ भन्ने उद्देश्यले अफर पनि राख्छन् । यस्तो अवस्थामा रङको मूल्य पसलअनुसार फरक फरक हुनसक्छ । सस्तो खालको रङ प्रतिलिटर २०० देखि ४०० रुपैयाँसम्म पर्छ । यी रङहरू सामान्य गुणस्तरका र कम टिकाउ हुने गर्छन् ।

मध्यम गुणस्तरका रङ एक्स्टेरियर इमल्सन प्रतिलिटर ५०० देखि १००० रुपैयाँसम्म पर्छ । उदाहरणका लागि, एसियन पेन्ट्स, बर्जर, वा पशुपति पेन्ट्सहरू मध्यम स्तरका रङहरूका मानिन्छ ।

उच्च गुणस्तरको रङ प्रिमियम इमल्सन, जस्तै रोयल वा एपेक्स प्रतिलिटर ११०० देखि २५०० रुपैयाँसम्म पर्न सक्छ । यी रङहरू टिकाउ र वातावरणमैत्री हुन्छन्।

प्राइमरको मूल्य

बजारमा विभिन्न प्रकारका प्राइमरहरू उपलब्ध छन् । त्यसैले, मूल्य फरक हुन सक्छ । एक लिटर प्राइमरले २१० देखि २७० वर्ग फिट क्षेत्रफल ओगट्छ । श्रमको लागत सामग्रीको लागतको लगभग डेढ गुणा बढी छ ।

सस्तो खालको प्राइमर प्रतिलिटर १५० देखि ३५० रुपैयाँ पर्न सक्छन् । मध्यम गुणस्तरको प्राइमर प्रति लिटर ४०० देखि ८०० रुपैयाँ पर्छ । उच्च गुणस्तरको प्राइमर (प्रिमियम) प्रतिलिटर १००० देखि १५०० रुपैयाँसम्म पर्न जान्छ । यी प्राइमरहरू टिकाउ वाटरप्रुफ, र विशेष सतहका लागि उपयुक्त हुन्छन् ।

पेन्टिङ बजेट कोठाको आकार-प्रकारले तय गर्छ ।

रङ्गाउन मिल्ने क्षेत्रफल गणना गर्नु सरल छ । पहिले, कुल क्षेत्रफल प्राप्त गर्न ठाउँको लम्बाइ र चौडाइ गुणन गर्न सकिन्छ । त्यसमा रङ लगाउन नपर्ने ठाउँको क्षेत्रफल घटाउनुपर्छ । जस्तै ढोका वा झ्यालको भाग । यसरी रङ लगाउनका लागि सही क्षेत्रफलको हिसाब आउँछ ।

एक हजार वर्ग फिटको २ कोठा र एक हल बाथरुमको फ्ल्याट रङ्ग्याउन ३० देखि ४५ लिटर रङ चाहिन्छ ।

आफैं रङरोगन गर्नुहोस्

घरका सदस्यले घरभित्र रङरोगनको काम आफैं गर्न सक्छन् । यदि ४ जना छन् र तिनीहरूले आफ्नो कोठा विभाजन गरी रमाइलोसँग रङरोगन गर्न सकिन्छ । घर बाहिरका भित्ताहरू अग्ला हुन्छन् यस्तो अवस्थामा, त्यो काम पेशेवर पेन्टरलाई गराउनु राम्रो हुन्छ ।

रङ लगाउनका लागि ब्रश र रोलरहरू आउन थालेका छन् । रोलर बढी प्रयोग गरिन्छ । भित्ता सफा गर्न स्यान्डपेपर प्रयोग गरिन्छ । घरको बाहिरी भागका लागि रङ छनौट गर्दा, दुई भन्दा बढी रङहरू नछोड्नुहोस् । घरको झ्याल र ग्रिलहरू रङ्याएर खिया लाग्नबाट बच्नुहोस् जसले भविष्यमा रङ लगाउन लाग्ने लागत बचत गर्नेछ ।