News Summary
Generated by OK AI. Editorially reviewed.- सप्तकोशी ब्यारेजका ५६ वटै ढोका खोलिएको छ र पानीको बहाव ४ लाख ८६ हजार ७६० क्युसेक पुगेको छ।
- कोशीमा पानीको बहावले खतराको तह पार गरेपछि रातो बत्ती बाल्ने गरिन्छ र मनसुन सक्रिय भएको छ।
- सुनकोशी, अरुण र तमोर नदीमा पनि पानीको सतह खतराको तहभन्दा माथि पुगेको छ।
१९ असोज, काठमाडौं । पानीको बहाव उच्च भएसँगै सप्तकोशी ब्यारेजका ५६ वटै ढोका खोलिएको छ ।
कोशीमा आइतबार साढे ११ बजे पानीको बहाव ५ लाख १० हजार ९६० क्युसेक पुगेको छ । आइतबार बिहानदेखि पानीको बहाव प्रतिसेकेन्ड ३ लाख ३५ हजार पुगेपछि ब्यारेजका ५६ ढोकामध्ये ५० खोलिएको थियो ।
शुक्रबार र शनिबार लगातार वर्षा भइरहेका कारण आइतबार बिहानदेखि सप्तकोशीमा पानीको बहावले खतराको तह पार गरेको छ । कोशी ब्यारेजमा पानीको प्रवाह एक लाख ५० हजार क्युसेक नाघेपछि खतराको सङ्केतस्वरूप रातो बत्ती बाल्ने गरिन्छ ।
आइतबारबाट कोशी प्रदेशमा मनसुन सक्रिय भएको छ । बिहानैबाट वर्षा जारी छ ।
जल तथा मौसम विज्ञान विभागकाअनुसार कोशी प्रदेशमा सक्रिय रहेको मनसुन विस्तारै बाहिरिँदै गएको छ ।
सप्तकोशीमा आइतबार बेलुकैसम्म पानीको बहावले खतराको तह पार गर्ने विभागले बताएको छ । सुनकोशी, अरुण र तमोर नदीमा पनि पानीको सतह खतराको तहभन्दा माथि छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Beautiful House on sale at Sanagau")
.jpg "Beautiful House on sale at Imadol")
प्रतिक्रिया 4