टासी ल्हान्जोममाथिको आक्रमणको आदिवासी जेनजी कलेक्टिभद्वारा भर्त्सना

News Summary

Generated by OK AI. Editorially reviewed.

आदिवासी जेनजी कलेक्टिभले हुम्लाकी जलवायु अभियन्ता टासी ल्हान्जोममाथि सामाजिक सञ्जालमा लगाइएको झुटा आरोपको निन्दा गरेको छ।
टासीलाई 'नेपालीजस्तो नदेखिने', 'नेपाली नबोल्ने' र 'विदेशी शक्तिबाट परिचालित' भन्दै मन्त्री बनाउँदा राष्ट्रिय अखण्डतामाथि खतरा हुने आरोप खण्डन गरिएको छ।
आदिवासी समुदायलाई भाषा, संस्कृति र अनुहारका आधारमा बहिष्करण गरिएको र संविधानमा समानता भए पनि व्यवहारमा विभेद कायम रहेको विज्ञप्तिमा उल्लेख छ।

२६ असोज, काठमाडौं । आदिवासी जेनजी कलेक्टिभले हुम्लाकी जलवायु अभियन्ता टासी ल्हान्जोममाथि सामाजिक सञ्जालमा लगाइएको झुटा आरोपको निन्दा गरेको छ ।

२५ वर्षीया टासीलाई ‘नेपालीजस्तो नदेखिने’, ‘नेपाली नबोल्ने’ र ‘विदेशी शक्तिबाट परिचालित’ भन्दै मन्त्री बनाउँदा राष्ट्रिय अखण्डतामाथि खतरा हुनेजस्ता भ्रामक कुरा बाहिरिएपछि कलेक्टिभले यी आरोपलाई खण्डन गरेको हो ।

आदिवासी समुदायलाई भाषा, संस्कृति र अनुहारका आधारमा शताब्दियौँदेखि बहिष्करण गरिएको कलेक्टिभको भनाइ छ । संविधानमा समानता र समावेशीकरणको ग्यारेन्टी गरे पनि व्यवहारमा विभेद कायम छ । आदिवासी महिला र नागरिकलाई अदृश्य बनाइएको र दोहोरोतेहोरो अन्यायमा पारिएको कलेक्टिभको विज्ञपतिमा उल्लेख छ ।

विज्ञप्तिमा आदिवासी जेनजी कलेक्टिभ र जेनजी मुभमेन्ट एलायन्सको हस्ताक्षर छ ।

हेर्नुहोस् विज्ञप्ति :