सुगम पोखरेलले ल्याए नयाँ गीत ‘भाइटीका’

News Summary

Generated by OK AI. Editorially reviewed.

सुगम पोखरेलले तिहारको अवसरमा नयाँ गीत 'भाइटीका' सार्वजनिक गरेका छन्।
गीतमा संगीता राना प्रधानले गायनमा साथ दिएकी छन् र भिडियोमा शारदा लामिछाने र नमन राणाले अभिनय गरेका छन्।
गीतमा दिदीभाइको स्नेह र भाइटीकाको सांस्कृतिक महत्व समेटिएको छ।

दिदीको हातको टीका
लाउनलाई निधारमा
भेट्न आउँदैछु म दिदी
यसपाली तिहारमा

झिलिमिली दियो बत्ती
उनी सयपत्रीको माला
बाटो हेरि पर्खिबस्नु है
म आउँछु साइतमा
यो भाइटीकामा…

सुगम पोखरेलले आफ्नो गायन, संगीत र शब्दमा नयाँ गीत ‘भाइटीका’ सार्वजनिक गरेका छन् । तिहारको अवसरमा आइतबार सार्वजनिक गीतको गायनमा उनलाई संगीता राना प्रधानले साथ दिएकी छन् ।

गीतको भिडियोमा सुगमसहित शारदा लामिछाने र नमन राणाले अभिनय गरेका छन् । शुभसाइतमा दिदीको हातको टीका लगाउन खुसी हुँदै जाँदै गरेको भाइको भावबाट गीत तयार पारिएको छ ।

दिदीभाइको स्नेह पनि भिडियोमा समेटिएको छ । तपाईं यो तिहार र भाइटीकामा उत्कृष्ट गीतको पर्खाइमा हुनुहुन्छ भने पोखरेलको यो गीत दर्शनीय र कर्णप्रिय हुनसक्छ ।

गएको दशैंमा सुगमले ‘नवमी’ एल्बम ल्याएका थिए । सुगमका फ्यानका लागि यसवर्षको दशैंतिहार खास रह्यो । आफ्ना प्रिय गायकको गीत सुन्न अधैर्य प्रशंसकलाई सुगमको नयाँ गीत पक्कै पनि उपहार हुनसक्छ ।