लाउरे र एकदेव लिम्बुको सहकार्यमा ‘हिपहप देउसी भैलो’ गीत सार्वजनिक

News Summary

Generated by OK AI. Editorially reviewed.

र्‍यापर आशिष राना ‘लाउरे’ र गायक एकदेव लिम्बुको सहकार्यमा नयाँ गीत ‘तिहार’ सार्वजनिक भएको छ।
गीतमा देउसीभैली भाकालाई हिपहप संगीतसँग मिश्रण गरिएको छ र कवि कविता नेपालीले भिडियोमा अनस्क्रिन रोमान्स गरेकी छन्।
गीत युट्युब, स्पोटीफाई, एप्पल म्युजिक र अमेजन म्युजिकमा रिलिज भएको छ र युट्युबमा एकदिनमा ६ लाखभन्दा बढीले रुचाएका छन्।

काठमाडौं । र्‍यापर आशिष राना ‘लाउरे’ र गायक एकदेव लिम्बुको सहकार्यमा नयाँ गीत ‘तिहार’ सार्वजनिक भएको छ ।

देउसीभैली भाकालाई हिपहप संगीतसँग मिश्रण गरिएको यो गीतमा लाउरे आफ्नो र्‍याप अन्दाजमा प्रस्तुत छन् भने लिम्बु पनि आफ्नो गायकी स्वादमा समावेश छन् ।

कविता नेपालीले भिडियोमा दुबै गायकसँग अनस्क्रिन रोमान्स गरेकी छन् । तपाईं देउसीभैलोको हिपहप ट्रयाकको पर्खाइमा हुनुहुन्छ भने यो गीत तपाईंको लागि प्रिय हुनसक्छ ।

लाउरे र एकदेवको यो कोलाब्रेसनलाई प्रशंसकले रुचाएका छन् । यी दुवैको युट्युब च्यानलबाट सेयर भएको भिडियोलाई एकदिनमा ६ लाखभन्दा धेरैले रुचाएका छन् ।

युट्युबसहित स्पोटीफाई, युट्युब म्युजिक, एप्पल म्युजिक र अमेजन म्युजिकमा समेत गीत रिलिज भएको छ । यो गीतको शब्द, गायन र संगीत लाउरेको छ भने स्वरमा एकदेवको पनि साथ दिएका छन् ।