राहदानी विभागमा सेवाग्राहीसँग रकम असुल्ने २ जना पक्राउ

News Summary

Generated by OK AI. Editorially reviewed.

राहदानी विभागमा सेवाग्राहीसँग राहदानी बनाईदिने भन्दै रकम असुल्ने दुई जनालाई विभाग परिसरबाट पक्राउ गरिएको छ।
पक्राउ परेकाहरूलाई थप अनुसन्धानका लागि प्रहरीमा बुझाइएको विभागले विज्ञप्तिमार्फत् जानकारी दिएको छ।
राहदानी विभागले भष्ट्राचार विरुद्ध शून्य सहनशीलताको नीति अंगीकार गरेको र रकम माग भए प्रशासन शाखा वा सम्पर्क नम्बर ०१–५९७०३२५ मा जानकारी गराउन अनुरोध गरेको छ।

१३ कात्तिक, काठमाडौं । राहदानी विभागमा सेवाग्राहीसँग रकम असुल्ने २ जना पक्राउ परेका छन् । सेवाग्राहीसँग राहदानी बनाईदिने भन्दै पैसा लिने दुई जनालाई पक्राउ गरिएको हो ।

विभागमा आउने सेवाग्राहीहरूलाई गलत प्रलोभनमा पारी रकम असुल गरेको सूचनाको आधारमा दुई जना शंकास्पद व्यक्तिहरूलाई विभाग परिसरबाट पक्राउ गरिएको विभागले जनाएको छ ।

उनीहरूलाई थप अनुसन्धानका लागि प्रहरीमा बुझाइको विभागले विज्ञप्तिमार्फत् जानकारी दिएको छ ।

राहदानी विभागले भष्ट्राचारजन्य गतिविधिका सम्बन्धमा जो कोही विरुद्ध शून्य सहनशीलताको नीति अंगीकार गरेको जनाएको छ । यस प्रकारका कुनै पनि बहानामा सेवाग्राहीबाट रकम असुली/ठगी गर्नेहरूबाट सावधान रहन अनुरोध गरेको छ ।

कसैले कुनै पनि बहानामा रकम माग गरेमा सोझै विभागको प्रशासन शाखामा वा विभागको सम्पर्क नम्बर ०१–५९७०३२५ वा इमेल ठेगाना: dg@nepalpassport.gov.np मा जानकारी गराई भ्रष्ट्राचारजन्य गतिविधि विरुद्धको कारवाहीमा सहयोग गर्न समेत अनुरोध गरेको छ ।