१९ कात्तिक, काठमाडौं । नेकपा एकीकृत समाजवादीका सम्मानित नेता झलनाथ खनालले आफूले कहिले पनि पार्टी फुटोस् भन्ने नचाहेको बताएका छन् ।
नेपाली कम्युनिस्ट पार्टीको एकता घोषणा सभामा पुगेका नेता खनालले पार्टीभित्र केही केही कुरा पसेका कराणले पार्टी फुटेको जिकिर गरे ।
‘हामी वाम एकता गर्न चाहन्छौं । हामीले कहिले पनि पार्टी फुटोस् भनेर चाहेको होइनौं,’ खनालले भने, ‘तर पार्टीभित्र केही केही कुरा पसे । त्यसले पार्टी फुटेको छ । जे पसेको छ । त्यसलाई निकालेर फ्याँक्नुपर्यो । त्यसकारण हामीले नयाँ संकल्प गरेर अघि बढ्नुपर्नेछ ।’
उनले कम्युनिस्ट एकतालाई कसैले जलाउन र टुटाउन नसक्ने बताए ।
उनले आफूले प्रचण्डसँग केही कुरा भनेको र त्यो मिलाउने प्रतिबद्धता भएपछि मात्रै एकता सभामा आएको बताए ।
‘मैले प्रचण्डलाई केही कुरा भनेको छ । कमरेड प्रचण्डलाई मैले त्यो भनिसकेको छु,’ खनालले भने, ‘हामी त्यो कुराहरू मिलाउँछौं भनेर प्रतिबद्धता उहाँले गर्नुभएको छ ।’
सिंगो राष्ट्रको एकता, नेपालको एकता राष्ट्रको आवश्यकता रहेको उनले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land on sale at Balkot")
प्रतिक्रिया 4