राष्ट्र बैंक प्रवक्तामा गुरु पौडेल

News Summary

Generated by OK AI. Editorially reviewed.

नेपाल राष्ट्र बैंकले कार्यकारी निर्देशक गुरुप्रसाद पौडेललाई प्रवक्ताको जिम्मेवारी दिएको छ।
पौडेलले बैंक तथा वित्तीय संस्था नियमन विभागको प्रमुखबाट मानव संशाधन व्यवस्थापन विभागमा सरुवा भएका छन्।
गभर्नर विश्वनाथ पौडेलले १८ कार्यकारी निर्देशकमध्ये ११ जनाको जिम्मेवारी हेरफेर गरेका थिए।

१९ कात्तिक, काठमाडौं । नेपाल राष्ट्र बैंक प्रवक्ताको जिम्मेवारी कार्यकारी निर्देशक गुरुप्रसाद पौडलले पाएका छन् । बैंक तथा वित्तीय संस्था नियमन विभागको प्रमुखबाट सरुवा भएका पौडेलले बुधबारदेखि नै प्रवक्ताको जिम्मेवारी सम्हालेका हुन् ।

बैंक तथा वित्तीय संस्था नियमन विभागबाट मानव संशाधन व्यवस्थापन विभागमा सरुवा भएसँगै पौडेल केन्द्रीय बैंकको प्रवक्ता पनि तोकिएका हुन् । गत सोमबार गभर्नर विश्वनाथ पौडेलले कुल १८ कार्यकारी निर्देशक मध्ये ११ जनाको जिम्मेवारी हेरफेर गरेका थिए ।

सोही क्रममा पौडेललाई विभाग परिवर्तनसँगै प्रवक्ताको पनि जिम्मेवारी तोकिएको केन्द्रीय बैंकले जनाएको छ । २०५९ सालमा बैंक सेवामा प्रवेश गरेका पौडेलसँ बैंक तथा वित्तीय संस्था नियमन विभाग, भुक्तानी प्रणाली विभाग, विदेशी विनिमय व्यवस्थापन विभाग, बैंक सुपरीवेक्षण विभाग लगायतको कार्यानुभव छ ।