गोलभेँडाको भाउ बढ्यो

News Summary

Generated by OK AI. Editorially reviewed.

कालीमाटी बजारमा भारतीय ठूलो गोलभेडाको मूल्य प्रतिकिलो १० रुपैयाँले बढेर ८५ रुपैयाँ पुगेको छ।
लोकल गोलभेडाको मूल्य प्रतिकिलो २५ रुपैयाँले बढेर ५५ रुपैयाँ कायम भएको छ।
टनेलको सानो गोलभेडा आज प्रतिकिलो ९० रुपैयाँमा किनबेच भइरहेको छ।

२० कात्तिक, काठमाडौं । कालीमाटी बजारमा गोलभेँडाको भाउ बढेको छ । कालीमाटी फलफूल तथा तरकारी बजार विकास समितिको तथ्यांकले बिहीबार गोलभेँडाको मूल्य बढेको देखाएको हो ।

कालीमाटी बजारमा आज भारतीय ठूलो गोलभेँडाको मूल्य प्रतिकिलो थोकमा औसत १० रुपैयाँ बढेको छ । बुधबार प्रतिकिलो ७५ रुपैयाँमा किनबेच भएको भारतीय ठूलो गोलभेँडा आज ८५ रुपैयाँमा किनबेच भइरहेको छ ।

यस्तै लोकल गोलभेँडाको प्रतिकिलो २५ रुपैयाँले बढेको छ । बुधबार ३० रुपैयाँमा किनबेच भएको लोकल गोलभेँडाको मूल्य आज प्रतिकिलो ५५ रुपैयाँ कायम छ ।

टनेलको सानो गोलभेँडा भने आज किलोको ९० रुपैयाँमा किनबेच भइरहेको छ । एकसाताअघि भने गोलभेँडा प्रतिकिलो ५२ देखि ७० रुपैयाँसम्म किनबेच भएको थियो ।