+
+
WC Series
Won सुदूरपश्चिम रोएल्स 2025
148/4 (17.3)
VS
Sudurpaschim won by 6 wickets
जनकपुर बोल्ट्स 2025
145/8 (20)
Shares

विराटनगरमा पर्सि नेकपाको एकता सन्देश सभा

अनलाइनखबर अनलाइनखबर
२०८२ मंसिर १३ गते २१:३४

News Summary

Generated by OK AI. Editorially reviewed.
  • नेकपाले विराटनगरमा १५ मंसिर सोमबार दिउँसो १२ बजे जनआन्दोलन चोक नजिक पुरानो गुद्री मैदानमा एकता सन्देश सभा गर्ने भएको छ।
  • सभा नेकपाका संयोजक पुष्पकमल दाहाल प्रचण्ड, सह–संयोजक माधवकुमार नेपाल, वरिष्ठ नेता झलनाथ खनाल र भीम रावलले सम्बोधन गर्नेछन्।
  • नेकपाका प्रदेश इञ्चार्ज हरिबोल गजुरेलले पार्टी एकताको सन्देश तल्लो तहसम्म पुर्याउन सभा आयोजना गरिएको बताए।

१३ मंसिर, विराटनगर । १५ वामपन्थी राजनीतिक दलको एकतापछि बनेको नेपाली कम्युनिष्ट पार्टी (नेकपा) ले विराटनगरमा पर्सि सोमबार ‘एकता सन्देश सभा’ गर्ने भएको छ ।

पार्टी एकताको सन्देश तल्लो तहसम्म पुऱ्याउनका लागि सन्देशसभा आयोजना गर्न लागिएको नेकपाका प्रदेश इञ्चार्ज हरिबोल गजुरेलले बताए ।

विराटनगरस्थित जनआन्दोलन चोकको उत्तरतर्फ रहेको पुरानो गुद्रीको खुल्ला मैदानमा दिउँसो १२ बजेदेखि सभा हुनेछ । यो सभालाई नेकपाका शीर्ष नेताहरूले सम्बोधन गर्नेछन् ।

१० हजार समर्थक उपस्थीति हुने दाबी गरेको सभामा नेकपा संयोजक तथा पूर्वप्रधानमन्त्री पुष्पकमल दाहाल प्रचण्ड, सह–संयोजक माधवकुमार नेपाल, वरिष्ठ नेता झलनाथ खनाल, भीम रावललगायतले सम्बोधन गर्नेछन् ।

सभा सञ्चालनका लागि विभिन्न उपसमिति बनाइएको सो पार्टीले जनाएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?