म्याग्दीबाट सुरु भयो ‘रोल नम्बर १’को छायांकन

News Summary

Generated by OK AI. Editorially reviewed.

म्याग्दी जिल्लामा ठूलो बजेटको फिल्म 'रोल नम्बर १' छायांकन सुरु भएको छ।
निर्माता विनोद पौडेलले सामाजिक प्रतिष्ठाका कारण विद्यार्थीले भोग्ने मनोवैज्ञानिक दबाबको कथामा फिल्म बनाउने बताए।
मुख्य भूमिकामा मुकुन भुसाल, सुशांक मैनाली, रेणु योगी लगायत छन् र जोन योञ्जनले निर्देशन गर्नेछन्।

काठमाडौं । धौलागिरी हिमालको काखमा रहेको पर्यटकीय जिल्ला म्याग्दी पछिल्लो समय प्रसिद्ध फिल्म छायांकन स्थल बनेको छ । पछिल्लो समय एकपछि अर्को गरि ठूलो बजेटका फिल्म यहाँ छायांकन हुन थालेका छन् ।

यो सूचीमा थपिएको छ फिल्म- रोल नम्बर १ ।

सर्वकालिन ब्लकबस्टर फिल्म ‘पूर्णबहादुरको सारंगी’ को निर्मातामध्येका एक विनोद पौडेलले यो फिल्म निर्माण गर्न लागेका हुन् । आगामी फिल्म ‘अभिमन्यु’ प्रदर्शनअघि पौडेलको नयाँ फिल्म छायांकनमा निस्किएको हो ।

डेढ महिनासम्म म्याग्दीका विभिन्न स्थानमा छायांकन हुने उनले जानकारी दिए ।

मुख्य भूमिकामा मुकुन भुसाल, सुशांक मैनाली, रेणु योगी, सिर्जना अधिकारी, शुन्दर धिताल र निर्भिक रेग्मी छन् । जोन योञ्जनले निर्देशन गर्ने यो फिल्म शैक्षिक कथावस्तुमा बन्न लागेको हो ।

सामाजिक प्रतिष्ठाका नाममा विद्यार्थीले झेल्नुपर्ने मनोवैज्ञानिक दबाबको कथामा फिल्म बन्ने जनाइएको छ । महेश दवाडीको पटकथा तथा संवाद रहने फिल्ममा प्रशान्त शिवाकोटीको संगीत रहनेछ ।

सेभेन सिज सिनेमाको प्रस्तुति निर्माण हुने चलचित्रको निर्माता विनोद पौडेल र गुञ्जन गिरी हुन् । रमेश चौलागाईं कार्यकारी निर्माता रहेका छन् ।