१५ मंसिर, काठमाडौं । गृहमन्त्री ओमप्रकाश अर्यालले कैलाली र कञ्चनपुरको सिमानामा पर्ने नेपाल-भारतको गौरीफन्टा नाकाको स्थलगत निरीक्षण गरेका छन् ।
मंगलबारदेखि सुरु हुने सुदूरपश्चिम प्रदेश स्तरीय सुरक्षा गोष्ठीका लागि सोमबार धनगढी पुगेका गृहमन्त्री अर्यालले गौरीफन्टा नाका अवलोकनसहित कैलालीकै त्रिनगर भन्सार कार्यालय र सशस्त्र प्रहरी बल नेपालको कञ्चनपुरको डोके बोर्डर आउट पोस्टको पनि स्थलगत निरीक्षण गरेका हुन् ।
अवलोकनका क्रममा मन्त्री अर्यालले गौरीन्टा नाकामा र अन्य अवैध नाकाबाट हुने राजस्व चुहावटका पहलकदमीलाई अझै कडाइ गर्न निर्देशन दिए ।
नेपाली नागरिक तथा महिला दिदी बहिनीहरूको दैनिक जिविकोपार्जनमा सहजीकरण हुने गरी नियमित, संगठित र व्यावसायिक रूपमा भन्सारमा निगरानी बढाउन उनले निर्देशन दिए ।
गौरीफन्टा नाकामा मन्त्री अर्यालले भारतीय सीमा सुरक्षा बलका प्रहरी अधिकारीहरूसँग कुराकानी गरेका थिए ।
यस्तै मन्त्री अर्यालले आजै कञ्चनपुरको चाँदनी दोधारा-१ मा निर्माण हुन लागेको सुक्खा बन्दरगाहाको निरीक्षण गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Luxurious House on sale at Ochu Height, Imadol")
.jpg "Apartment for rent in Grande Tower")
.jpg "House for sale at Tikathali")
प्रतिक्रिया 4