पौराणिक प्रेमकथामा नेवारी फिल्म ‘अः मै’ बन्ने

News Summary

Generated by OK AI. Editorially reviewed.

निर्माण तयारीमा रहेको नेवारी भाषाको फिल्म 'अः मै' को पहिलो झलक सार्वजनिक भएको छ।
फिल्म सत्य घटनाबाट प्रभावित पौराणिक प्रेमकथामा आधारित रहेको र नेवारी संस्कृति र प्रेमलाई प्रस्तुत गर्नेछ।
फिल्ममा प्रदीप महर्जन र श्रीया महर्जन मुख्य भूमिकामा छन् र बैशाखदेखि विशेष च्यारिटी शो आयोजना गरिने छ।

काठमाडौं । निर्माण तयारीमा रहेको नेवारी भाषाको फिल्म ‘अः मै’ को पहिलो झलक सार्वजनिक भएको छ । निर्माताले आइतबार सत्य घटनाबाट प्रभावित भनिएको फिल्मको पोस्टर ल्याएका हुन् ।

ह्वाइट स्ट्रिङको प्रस्तुति रहने यो कथानक फिल्मलाई पौराणिक प्रेमकथामा आधारित रहेको जनाइएको छ, जसले परम्परा, संस्कृति, प्रेम र मानवीय संवेदनालाई गहिरो रूपमा प्रस्तुत गर्ने जनाइएको छ ।

पटकथा लेखन तथा निर्देशन देविन महर्जनको हुनेछ । फिल्मले नेवारी चलचित्र क्षेत्रमा नयाँ आयाम थप्ने निर्देशक महर्जनले बताए ।

फिल्मको क्रिएटिभ हेडमा अभय बराल, छायांकारमा बसन्त महर्जन, संगीतमा प्री महर्जन एन्ड एडवार्डिन छन् । फिल्मको लागि कलाकार छनोटको कार्य जारी रहेको जनाइएको छ ।

नेवारी भाषा, संस्कृति र भावनालाई आत्मसात गर्न सक्ने कलाकारलाई प्राथमिकतामा राखेर कास्टिङ प्रक्रिया अघि बढाइएको जानकारी निर्माण टिमले दिएको छ ।

फिल्मको शीर्ष भूमिकामा प्रदीप महर्जन र श्रीया महर्जनलाई देख्न सकिन्छ । बैशाखदेखि फिल्मको विशेष च्यारिटी शो आयोजना गरिने उल्लेख छ ।

फिल्मलाई सबै समुदायका दर्शकले बुझ्न सकून भन्ने उद्देश्यले अंग्रेजी तथा नेपाली सबटाइटल समावेश गरिने जनाइएको छ । फिल्म चाहिँ नेपाल भाषामा बन्न लागेको हो ।

च्यारिटी शोहरू सम्पन्न भएपछि फिल्मलाई मुलुकका हलमा प्रदर्शन गर्ने तयारी छ ।