कृषाको ‘पारस’ मा जोडिए निखिल

News Summary

Generated by OK AI. Editorially reviewed.

निर्देशक कृषा चौलागाईंको आगामी फिल्म 'पारस' मा निखिल उप्रेतीले शीर्ष भूमिका निर्वाह गर्ने सहमति भैसकेको छ।
निखिल उप्रेतीले मौखिक सहमति भैसकेको र लिखित अग्रिमेन्ट बाँकी रहेको बताए।
'पारस' को पटकथा भारतीय पटकथाकार सचिन लादियाले लेखेका हुन्, जो 'ग्याङ्स अफ वासेपुर' का सहलेखक हुन्।

काठमाडौं । निर्देशक कृषा चौलागाईं यतिबेला आगामी प्रोजेक्ट ‘पारस’ को निर्माणमा जुटेकी छन् । यतिबेला भक्तपुरको सानोठिमीस्थित उनको फिल्म कम्पनी केपी फिल्म्सको कार्यालयमा प्रि-प्रोडक्सन कार्य धमाधम चलिरहेको छ ।

यस्तोमा, यो फिल्मको कास्टिङलाई लिएर महत्वपूर्ण अपडेट छ । यो फिल्मको शीर्ष भूमिकामा निखिल उप्रेतीले अभिनय गर्नेछन् । यसको पुष्टि निखिल र कृषा स्वयमले अनलाइनखबरसँग गरे ।

कृषाले निखिलसँग सहमति भैसकेको बताइन् भने निखिलले भने मौखिक सहमति भैसकेको र साइन हुन बाँकी रहेको बताए । ‘कृषाजीसँग यो फिल्म गर्ने मौखिक सहमति भैसकेको छ । मैले मौखिक सहमति गर्नु नै लिखित अग्रिमेन्ट जस्तै हो’ निखिलले भने ।

निखिल यतिबेला घरको फिल्म ‘आचार्य’ को निर्देशनमा ब्यस्त छन् । यो फिल्म छायांकनको अन्तिम चरणमा छ । यसको काम सकिएपछि मात्र ‘पारस’ मा ब्यस्त हुने उनले बताए । कृषाले पनि चाँडै आफूहरू छायांकनमा जाने बताइन् ।

प्रेमकथामा आधारित हुने यो फिल्मलाई भारतीय पटकथाकार सचिन लादियाले लेखेका हुन् । लादियाले सन् २०१२ को चर्चित भारतीय फिल्म ‘ग्याङ्स अफ वासेपुर’ को भाग १ र २ को पटकथा लेखनमा सहकार्य गरेका थिए ।

कृषाको पहिलो निर्देशकीय फिल्म ‘ऐंचोपैंचो’ हो । उनको पछिल्लो फिल्म ‘पिताम्बर’ थियो ।