खाँदबारी बालविकास समाजद्वारा दलित फाउण्डेसनलाई एक लाख सहयोग

News Summary

Generated by OK AI. Editorially reviewed.

खाँदबारी बालविकास समाजले पर्सा जिल्लाको सखुवापर्सौनी गाउँपालिका–५ स्थित पिस फर दलित फाउण्डेसनलाई एक लाख रुपैयाँ नगद सहयोग प्रदान गरेको छ।
संस्थाले दुई वर्षदेखि आर्थिक रूपमा कमजोर पाँच विद्यार्थीलाई एसईईसम्मको अध्ययनका लागि वार्षिक रूपमा एक लाख रुपैयाँ खर्च गर्दै आएको छ।
पिस फर दलित फाउण्डेसनले दलित तथा सीमान्तकृत समुदायको हकहितका लागि छुवाछुत अन्त्य, सामाजिक न्याय र शिक्षा क्षेत्रमा काम गर्दै आएको छ।

२४ पुस, काठमाडौं । खाँदबारी बालविकास समाजले यस वर्ष पर्सा जिल्लाको सखुवापर्सौनी गाउँपालिका–५, महुवनस्थित पिस फर दलित फाउण्डेसनलाई एक लाख रुपैयाँ नगद सहयोग प्रदान गरेको छ ।

दुई वर्षअघि स्थापना भएको खाँदबारी बालविकास समाजले गत वर्ष दाताहरूबाट प्राप्त कोष परिचालन गर्दै संखुवासभा जिल्लाका आर्थिक रूपमा कमजोर तथा जेहेन्दार पाँच जना विद्यार्थीलाई एसईईसम्मको अध्ययनका लागि सहयोग गरेको थियो ।

ती विद्यार्थीहरूको शिक्षामा सहयोग पुर्‍याउने उद्देश्यले संस्थाले वार्षिक रूपमा एक लाख रुपैयाँ खर्च गर्दै आएको जनाएको छ ।

पिस फर दलित फाउण्डेसन मधेश प्रदेशमा दलित तथा सीमान्तकृत समुदायको हकहितका लागि क्रियाशील एक गैरसरकारी सामाजिक संस्था हो ।

फाउण्डेसनले छुवाछुत अन्त्य, सामाजिक न्याय, दलित सशक्तिकरण, समानता, शिक्षा तथा स्वतन्त्रताको पक्षमा काम गर्दै आएको छ ।

बालबालिकाको शिक्षा, स्वास्थ्य लगायतका विषयमा संस्थाले सहयोग गर्दै आएको छ ।

पछिल्लो पाँच वर्षदेखि दलित तथा सीमान्तकृत बालबालिकाका लागि नि:शुल्क ट्युसन कक्षा तथा सिकाइ सुधार केन्द्र समेत सञ्चालन गर्दै जानकारी दिएको छ ।

खाँदबारी बालविकास समाजले भविष्यमा पनि बालबालिका तथा सीमान्तकृत समुदायको सशक्तीकरणका लागि यस्ता सामाजिक कार्यलाई निरन्तरता दिने जनाएको छ ।