गोल्डेन ग्लोब्समा ‘वान ब्याटल आफ्टर एनदर’ र ‘ह्याम्नेट’ को वर्चस्व

Listen News

0:00

0:30

🔊

News Summary

Generated by OK AI. Editorially reviewed.

८३ औं गोल्डेन ग्लोब अवार्डमा 'वान ब्याटल अफ्टर अनदर' संगीत वा हास्य विधातर्फ र 'ह्याम्नेट' ड्रामा विधातर्फ उत्कृष्ट फिल्म घोषित भए।
पौल थोमस एन्डर्सनले 'वान ब्याटल अफ्टर अनदर' का लागि उत्कृष्ट पटकथा, निर्देशनसहित चार पुरस्कार जिते।
नेटफ्लिक्स सिरिज 'एडोलसेन्स' ले चार पुरस्कार जितेर सबैभन्दा धेरै पुरस्कार पाएको टिभी कार्यक्रम बन्यो।

लस एन्जलस । ८३ औं ‘गोल्डेन ग्लोब अवार्ड’ मा कट्टरपन्थी राजनीतिलाई ब्यंग्य गर्ने फिल्म ‘वान ब्याटल आफ्टर एनदर’ र विलियम शेक्सपियरको जटिल घरेलु जीवनको झलक दर्शाउने ‘ह्याम्नेट’ ले शीर्ष पुरस्कार जितेका छन् ।

“वन ब्याटल आफ्टर एनदर’ संगीत वा हास्य विधातर्फ उत्कृष्ट फिल्म बन्दा ‘ह्याम्नेट’ फिल्म ड्रामातर्फ उत्कृष्ट बन्यो । “वन ब्याटल आफ्टर अनदर’ र “द पिट’ निर्माण गर्ने वार्नर ब्रदर्स डिस्कभरीको लागि यो एउटा ठूलो रात थियो ।

पौल थोमस एन्डर्सनको लागि उत्कृष्ट पटकथा र निर्देशन विधासहित ‘वान ब्याटल आफ्टर एनदर’ ले ४ विधा जित्यो । “ह्याम्नेट’ ले ले जेसी बकलीको शोकाकुल आमाको चित्रणको लागि उत्कृष्ट अभिनेत्रीसहित दुई ट्रफी जित्यो । फिल्मलाई चाहिँ फोकस फिचर्सले निर्माण गरेको हो ।

नेटफ्लिक्सको सिरिज ‘एडोलसेन्स’ ले कुल ४ पुरस्कार जित्यो, जुन कुनै पनि टिभी कार्यक्रम भन्दा सबैभन्दा धेरै हो । यसका निर्माता स्टीफन ग्राहमले लिमिटेड सिरिजतर्फ उत्कृष्ट अभिनेताको अवार्ड जिते भने एरिन डोहर्टीले टिभी ड्रामातर्फ उत्कृष्ट सह-अभिनेत्रीको अवार्ड जितिन् ।

श्रृंखलाका १६ वर्षीय सह-कलाकार ओवेन कूपरले टिभी ड्रामार्फत उत्कृष्ट सह-अभिनेताको अवार्ड जिते, जो यस श्रेणीमा अहिलेसम्मकै कान्छो विजेता बने ।