देउवाको राजीनामामा जुटेन सहमति, त्रिपक्षीय वार्ता एक घण्टालाई स्थगित

News Summary

Generated by OK AI. Editorially reviewed.

नेपाली कांग्रेसको त्रिपक्षीय वार्तामा सभापति शेरबहादुर देउवाको राजीनामाको विषयमा सहमति जुट्न नसक्दा बैठक स्थगित भएको छ।
विशेष महाधिवेशन पक्षले देउवाले राजीनामा गर्ने वा सक्रिय राजनीति छोड्ने माग राखेको छ, जसमा सहमति नजुटेको एक नेताले बताए।
वार्तामा सहभागी नेताहरूले शीर्ष नेतृत्वसँग छलफल गरी देउवाको राजीनामा वा राजनीतिक निष्क्रियताबारे निर्णय गर्ने भएका छन्।

२९ पुस, काठमाडौं । नेपाली कांग्रेसभित्रको विवाद समाधान गर्न बसेको त्रिपक्षीय वार्तामा सभापति शेरबहादुर देउवाको राजीनामाको विषयमा सहमति जुट्न नसक्दा बैठक स्थगित भएको छ ।

छलफलमा सहभागी एक नेताका अनुसार सभापति शेरबहादुर देउवाले राजीनामा गर्ने वा सक्रिय राजनीति छोडेको घोषणा गर्ने भन्ने विशेष महाधिवेशन पक्षधरको मागमा सहमति जुट्न नसकेको हो ।

‘अरु कुराहरूमा खासै ठूलो समस्या भएन अब । नेतृत्वले राजीनामा गर्ने, राजनीति छोड्ने भन्ने विशेष पक्षको मागका विषयमा कुरा मिलेको छैन,’ उनले भने, ‘यसबारे संवाद अझै गर्नुपर्छ भनेर अहिलेलाई १ घण्टा छलफल स्थगित गरिएको छ ।’

संवादमा बसेका नेताहरूले मात्रै नेतृत्वको राजनीतिक विश्राम र राजीनामाबारे निर्णय गर्न नसक्ने भन्दै शीर्ष नेतासँग छलफल गर्ने भएका छन् ।

अब देउवाको राजीनामा वा राजनीतिक निष्क्रियताका विषयमा वार्तामा सहभागी नेताहरूले शीर्ष नेतृत्वसँग छलफल गर्ने छ ।

वार्तामा विशेष महाधिवेशनको पक्ष (गगन-विश्व) बाट प्रदीप पौडेल, मधु आचार्य, देवराज चालिसे र गुरुराज घिमिरे सहभागी थिए ।

त्यस्तै सभापति शेरबहादुर देउवाको पक्षबाट बालकृष्ण खाण र रमेश लेखक थिए भने शेखर कोइरालाको पक्षबाट सहमहामन्त्री जीवन परियार र मीनेन्द्र रिजाल सहभागी थिए ।