‘टिकटमा हस्ताक्षर कसले गर्ने हो आउनुभन्दा पनि गगन-विश्व मानेनन्’

News Summary

Generated by OK AI. Editorially reviewed.

नेपाली कांग्रेसका केन्द्रीय सदस्य रमेश लेखकले सभापति शेरबहादुर देउवाले आफू निर्वाचन टिकटमा हस्ताक्षर नगर्न तयार रहेको जानकारी दिएका छन्।
देउवाले बुधबार बिहान महामन्त्री गगनकुमार थापा र विश्वप्रकाश शर्माबीचको छलफलमा भनेका छन्, "टिकटमा सही नगर्न म तयार छु। तपाईंहरू कसल गर्ने हो गर्नू।"
लेखकले केन्द्रीय कार्यसमिति बैठकमा महामन्त्रीहरूले विशेष महाधिवेशन आह्वान गरेर पार्टी विभाजनतर्फ लगेको बताएका छन्।

३० पुस, काठमाडौं । नेपाली कांग्रेसका केन्द्रीय सदस्य रमेश लेखकले सभापति शेरबहादुर देउवाले आफू निर्वाचनको टिकटमा हस्ताक्षर नगर्न पनि तयार रहेको बताएको जानकारी दिएका छन् ।

पार्टी कार्यालय सानेपामा बसिरहेको केन्द्रीय कार्यसमिति बैठकमा सहमतिका लागि भएको वार्ताको बारेमा जानकारी गराउँदै देउवाले भनेको कुरा उल्लेख गरेका हुन् ।

सभापति र महामन्त्रीद्वय गगनकुमार थापा र विश्वप्रकाश शर्माबीच बुधबार बिहान भएको छलफलमा सभापतिले आफू टिकटमा हस्ताक्षर नगर्न तयार रहेको बताएको लेखकले जानकारी दिए ।

‘टिकटमा सही नगर्न म तयार छु । तपाईंहरू कसल गर्ने हो गर्नू । कानुनी कुरा के हुन्छ हेर्नू ।’ देउवालाई उदृत गर्दै लेखकले बैठकमा भने ।

लेखकले बैठकमा महामन्त्रीहरू विशेष महाधिवेशन आह्वान गरेर पार्टी विभाजनतर्फ लगेको बताएका थिए ।