आधिकारिकता दाबी गर्न आयोग पुगे गगन पक्षका नेता

News Summary

Generated by OK AI. Editorially reviewed.

गगन थाप नेतृत्वको निर्वाचित समितिले नेपाली कांग्रेसको आधिकारिकताको दाबी गर्दै निर्वाचन आयोगमा निवेदन बुझाएको छ।
शेरबहादुर देउवा नेतृत्वको कांग्रेसले पनि आधिकारिकता दाबी गर्दै आयोग पुगेको छ।
निर्वाचन आयोगले दुवै पक्षलाई विधि र पद्धतिमार्फत निर्णय आउने बताएको छ।

२ माघ, काठमाडौं । नेपाली कांग्रेसको आधिकारिकताको दाबी गर्दै गगन थापा नेतृत्वको टोली निर्वाचन आयोग पुगेको छ । आजैमात्र शेरबहादुर देउवा नेतृत्वको कांग्रेस नै आधिकारिकता भएको दाबीसहित पूर्णबहादुर खड्का, डा शेखर कोइरालालगायत नेताहरू आयोग पुगेका थिए ।

उनीहरू फर्किएपछि गगन थापा, विश्व प्रकाश शर्मा सहितका नेताहरु आयोग कार्यालय पुगेका हुन् ।

गगन थापा र विश्वप्रकाश शर्माको अगुवाइमा काठमाडौंमा पुस अन्तिम साता विशेष महाधिवेशन भएको थियो । विशेष महाधिवेशनले थापाको नेतृत्वमा नयाँ कार्यसमिति नै चयन गरेर अगाडि बढेको छ । तर, देउवा पक्षले उक्त महाधिवेशनलाई अवैधानिक भनेर आयोगको ध्यानाकर्षण गराएको हो ।

देउवा र थापा दुवै पक्षले आधिकारिक कांग्रेस आफूहरु भएको दाबी गर्दै आयोगमा निवेदन दिएका छन् । बिहीबारमात्रै गगन थापासहितले पार्टीको विशेष महाधिवेशन सम्पन्न भएको र विवरण अध्यावधिक गरी पाउँ भन्दै आयोगमा विवरणसहित निवेदन बुझाएको थियो ।

आयोगले कांग्रेसका दुवै पक्षलाई विधि र पद्धतिमार्फत निर्णय आउने बताएको छ ।