थाइल्याण्डको ‘आइएम मोडल सर्च’ मा नेपालका जोसेफलाई उपाधि

News Summary

Generated by OK AI. Editorially reviewed.

थाइल्यान्डको कोरातमा आयोजित 'आईएम मोडल सर्च' मा नेपाली बालक जोसेफ राईले शीर्ष उपाधि जितेका छन्।
जोसेफले जुनियर क्लबतर्फ शीर्ष उपाधि, 'द मस्ट प्रोमिसिङ मोडल' र 'बेस्ट इन गोसिज' सबटाइटल जितेका छन्।
प्रतियोगितामा मनस्वी बस्नेतले 'द मस्ट प्रोमिसिङ मोडल' सबटाइटल जितिन् र शेर्पा समुदायको संस्कृति प्रस्तुत गरिन्।

काठमाडौँ । थाइल्यान्डको कोरातमा आयोजित बालबालिका सम्बन्धी अन्तर्राष्ट्रिय मोडलिङ प्रतियोगिता ‘आईएम मोडल सर्च’ मा नेपाली बालक जोसेफ राईले शीर्ष उपाधि जितेका छन् ।

उनले जुनियर क्लबतर्फको शीर्ष उपाधि सहित ‘द मस्ट प्रोमिसिङ मोडल’ र ‘बेस्ट इन गोसिज’ को सबटाइटल समेत जित्न सफल रहे । उनीसँगै प्रतियोगितामा सहभागी मनस्वी बस्नेतले ‘द मस्ट प्रोमिसिङ मोडल’ को सबटाइल हात पारिन् ।

जनवरी १३ देखि १८ सम्म ६ दिनसम्म चलेको प्रतियोगितामा १८ देखि २० देशका बालबालिका सहभागी थिए । मनस्वी रेडियन्ट इभेन्ट म्यानेजमेन्ट एजेन्सीले आयोजना गरेको नेपाली प्रतियोगिता ‘मिलेनियम किड्स इन्टरनेसनल २०२६’ की विजेता हुन् ।

जोसेफ ‘किडी फेस अफ द इयर इन्टरनेसनल २०२५’ का विजेता हुन् । प्रतियोगितामा बालबालिकासँगै अन्तर्राष्ट्रिय मोडल तथा फेसन कोच राज फैजु पनि सहभागी थिए ।

पर्यटन प्रवर्धन र मौलिक संस्कृतिलाई विशेष प्राथमिकता दिइएको प्रतियोगितामा मनस्वीले नेपालको शेर्पा समुदायको प्रतिनिधित्व गर्ने भेषभूष र संस्कृति प्रस्तुत गरेका थिए भने जोसेफले राई समुदायको मौलिक पोसाक र पहिचानलाई प्रदर्शन गरेका थिए ।