‘श्री बुकुरो’ को मर्मस्पर्शी टिजर : चिना नमिलेका प्रेमीप्रेमिकाले गर्लान् विवाह ?

News Summary

Generated by OK AI. Editorially reviewed.

सुदीप भुपाल सिंह निर्देशित फिल्म 'श्री बुकुरो' को टिजर युट्युबमा रिलिज भएको छ।
निर्माताले यसैसाता निधन भएका मिडिया संयोजक दिनेश सिटौलाप्रति समर्पित गर्दै टिजर सार्वजनिक गरेका हुन्।
'श्री बुकुरो' १ फागुनदेखि प्रदर्शन तयारीमा छ।

काठमाडौं । सुदीप भुपाल सिंह निर्देशित फिल्म ‘श्री बुकुरो’ को टिजर युट्युबमा रिलिज भएको छ । यसैसाता निधन भएका फिल्मका मिडिया संयोजक दिनेश सिटौलाप्रति समर्पित गर्दै निर्माताले संक्षिप्त टिजर सार्वजनिक गरेका हुन् ।

बुधबार आयोजित पत्रकार सम्मेलनमा टिजर सार्वजनिक गरिएको हो । ‘पहिलो दृश्य’ नाम राखिएको उक्त टिजरले फिल्मको कथावस्तुबारे संक्षिप्त झलक दिन्छ ।

‘सिंगल सट’ छायांकन शैलीमा खिचिएको टिजरमा केटाकेटीको विवाहको लागि चिना हेराउन पण्डितसहित बसेका दुई परिवारको कथा देखाइएको छ । पण्डितले चिना हेर्दै ग्रहदशा राम्रो नभएकाले विवाह हुन नसक्ने बताउँछन् । के अब उनीहरूबीच विवाह होला ?

६ मिनेटको टिजरलाई निर्देशक सिंहले सिंगल सट शैलीमार्फत दर्शकलाई कौतुहल तुल्याएका छन् । टिजरको सुरुवात निर्देशक सिटौलाप्रति ट्रिब्यूट दर्शाउँदै सुरु हुन्छ ।

फिल्ममा लक्ष्मी गिरी, आशीर्वाद क्षेत्री, निकिता आचार्य, प्रतीकराज न्यौपाने, रोशन कार्की, राजन इशान, दीपिका थापा लगायतको अभिनय छ । फिल्म रेन्ज प्रालिको ब्यानरमा यसलाई रुबी सेनले निर्माण गरेकी हुन् ।

‘श्री बुकुरो’ १ फागुनदेखि प्रदर्शन तयारीमा छ ।