‘टिकटकको ‘इन्फिनिट स्क्रोल’ अत्यधिक लत लाग्ने खालको छ’

News Summary

Generated by OK AI. Editorially reviewed.

युरोपेली युनियनका नियामकहरूले टिकटकको डिजाइन प्रयोगकर्तामा लत लगाउने खालको रहेको प्रारम्भिक निष्कर्ष निकालेका छन्।

युरोपेली युनियनका नियामकहरूले सामाजिक सञ्जाल टिकटकको डिजाइन प्रयोगकर्तामा ‘लत’ लगाउने खालको रहेको प्रारम्भिक निष्कर्ष निकालेका छन् । जारी अनुसन्धानको प्रारम्भिक नतिजा सार्वजनिक गर्दै नियामकहरूले टिकटकको यो स्वरूपले ‘डिजिटल सर्भिस एक्ट’ (डीएसए) को उल्लंघन गरेको आरोप लगाएका छन् ।

विशेष गरी युरोपेली युनियनले टिकटकको इन्फिनिट स्क्रोल (लगातार भिडियो आइरहने), अटो प्ले, पुस नोटिफिकेसन र प्रयोगकर्ताको रुचि अनुसारका भिडियो देखाउने ‘रिकमेन्डर सिस्टम’ माथि प्रश्न उठाएको छ । टिकटकले यस्ता सुविधाहरूबाट प्रयोगकर्ताको शारीरिक र मानसिक स्वास्थ्यमा पर्न सक्ने असर कम गर्न पर्याप्त सुरक्षा उपायहरू नअपनाएको युनियनको दाबी छ।

नयाँ सामग्रीहरू निरन्तर देखाएर टिकटकले प्रयोगकर्तालाई स्क्रोल गरिरहन उक्साने र त्यसले मस्तिष्कलाई ‘अटोपाइलट मोड’ मा लैजाने युनियनको भनाइ छ । जुन मानसिक स्वास्थ्यको दृष्टिकोणको नजरले डलरलाग्दो भएको युनियनको भनाइ छ ।

यद्यपि टिकटकले भने युनियनको दाबी गलत र आधारहीन भएको बताएको छ । अबको केही समयपछि यो अनुसन्धानको पूर्णनिष्कर्ष आउने छ । यदि यो निष्कर्ष पुष्टि भएमा टिकटकले ठूलो राशिको जरिवाना तिर्नुपर्ने छ । यसका साथै कानुनी पालनाका लागि आफ्नो एपको ‘बेसिक डिजाइन’ नै परिवर्तन गर्नुपर्नेछ ।