२०८२ फागुन ४ गते १२:०३ 
News Summary
Generated by OK AI. Editorially reviewed.- बाटुवाटार क्रिकेट एकेडेमीले काठमाडौंमा भएको ११औं पाकिस्तान–नेपाल मैत्रीपूर्ण टी–२० क्रिकेट प्रतियोगिता २०२६ को उपाधि जितेको छ।
- पाकिस्तान दूतावासको मैदानमा फागुन ४ गते सम्पन्न फाइनलमा बाटुवाटारले पाकिस्तान दूतावासको टोलीलाई पराजित गरेको थियो।
- राजदूत अबरार एच. हाश्मीले सन् २०२७ मा हुने १२औं संस्करणमा १६ टोली सहभागी गराइने घोषणा गर्नुभयो।
४ फागुन, काठमाडौं । बालुवाटार क्रिकेट एकेडेमीले ११औं संस्करणको पाकिस्तान–नेपाल मैत्रीपूर्ण टी–२० क्रिकेट प्रतियोगिता २०२६ को उपाधि जितेको छ ।
काठमाडौंस्थित पाकिस्तान दूतावासको मैदानमा आइतबार सम्पन्न भएको फाइनलमा पाकिस्तान दूतावासको टोलीलाई पराजित गर्दै बालुवाटारले उपाधिसहित ट्रफी र नगद पुरस्कार प्राप्त गर्यो। पाकिस्तान दूतावास टोली उपविजेतामा सीमित भयो।
सन् २०१४ देखि हरेक वर्ष आयोजना हुँदै आएको यस प्रतियोगितामा यस वर्ष पाकिस्तान दूतावास टोलीसहित विभिन्न नेपाली क्लबका गरी १२ टोलीले फेब्रुअरी ७ देखि १५ सम्म प्रतिस्पर्धा गरेका थिए।
समापन समारोहमा नेपालका लागि पाकिस्तानका राजदूत महामहिम अबरार एच. हाश्मी, बंगलादेश र चीनका राजदूत, सार्कका महासचिव तथा मलेसियाका चार्ज डी’अफेयर्सलगायतको उपस्थिति थियो। साथै नेपाल क्रिकेट संघका प्रतिनिधि, विभिन्न मैत्री परिषद्का सदस्य, सञ्चारकर्मी र नागरिक समाजका प्रतिनिधिहरू पनि उपस्थित थिए।
राजदूत हाश्मीले विशेष अतिथिहरूसँग मिलेर विजेता तथा उपविजेता टोली, उत्कृष्ट खेलाडी र प्रतियोगिताका पदाधिकारीलाई ट्रफी, मेडल तथा नगद पुरस्कार प्रदान गरे। प्रतियोगिताको इतिहासलाई सम्मान गर्दै अघिल्ला संस्करणबाट राष्ट्रिय टोलीसम्म पुगेका सात नेपाली क्रिकेटरलाई विशेष सम्मान पनि गरिएको थियो।
कार्यक्रममा काउन्सिलर (राजनीतिक तथा शिक्षा) श्री इकबाल हैदरले तल्लो तहदेखि क्रिकेट विकासका लागि दूतावासले गरिरहेको प्रयासबारे जानकारी गराए।
राजदूत हाश्मीले युवा सहभागिता र दुई देशबीचको खेलकुद सम्बन्ध अझ सुदृढ बनाउने पाकिस्तानको प्रतिबद्धता दोहोर्याउँदै सन् २०२७ मा हुने १२औं संस्करणमा १६ टोली सहभागी गराइने घोषणा गरे।
प्रतिक्रिया 4