२०८२ फागुन १४ गते २०:०९ 
News Summary
Generated by OK AI. Editorially reviewed.- त्रिभुवन आर्मी एफसीले राष्ट्रिय लिग फुटबलमा जिलेस्पीजंग कार्कीको दुई गोल मदतमा जावलाखेल युथ क्लबलाई २-० ले पराजित गरेको छ।
- नेपाल पुलिस क्लबले नव जनजागृति युवा क्लबलाई ७-० ले पराजित गर्दै लिगकै फराकिलो जित हात पारेको छ।
- प्लानिङ ब्वाइज र एनआरटीले दोस्रो खेलमा १-१ को बराबरी खेल्दै अंक बाँडेका छन्।
१४ फागुन, काठमाडौं । जिलेस्पीजंग कार्कीको दुई गोल मदतमा विभागीय टोली त्रिभुवन आर्मी एफसीले राष्ट्रिय लिग फुटबलमा बिहीबार जावलाखेल युथ क्लबलाई २-० ले पराजित गरेको छ ।
त्रिपुरेश्वरस्थित दशरथ रंगशालमा फ्लडलाइटमूनि बेलुका भएको खेलमा आर्मीका लागि जिलेस्पीले दुवै हाफमा गोल गरे ।
जिलेस्पीले पहिलो हाफको ४४औं मिनेटमा पेनाल्टी बक्स बाहिरबाट दायाँ पोस्टमा उत्कृष्ट फिनिसिङ गर्दै अग्रता दिलाएका थिए । यस्तै उनले ८०औं मिनेटमा हेडरमार्फत व्यक्तिगत दोस्रो गोल गरे ।
यो जितपछि आर्मी १४ अंक जोडेर छैटौं स्थानमा उक्लेको छ । ७ खेल खेल्दा आर्मीको यो चौथो जित हो । लगातार पाँच खेलमा अपराजित आर्मी अघिल्लो खेलमा चर्च ब्वाइज युनाइटेडसँग पराजित हुँदा अपराजित यात्रामा ब्रेक लागेको थियो । तर जावलाखेललाई पराजित गर्दै आर्मीले फेरि जितको लय लिएको छ ।
चौथो हार व्यहोरेको जावलाखेलको भने ७ खेलबाट ९ अंकसहित आठौं स्थानमै छ ।
बिहीबारै भएको पहिलो खेलमा अर्को विभागीय टोली नेपाल पुलिस क्लबले यस लिगकै फराकिलो जित हात पार्ने क्रममा नव जनजागृति युवा क्लबलाई ७-० ले पराजित गरेको थियो ।
यस्तै दोस्रो खेलमा प्लानिङ ब्वाइज र एनआरटीले १-१ को बराबरी खेल्दै अंक बाँडेका थिए ।
प्रतिक्रिया 4