२२ फागुन, गोरखा । गोरखा निर्वाचन क्षेत्र नम्बर १ मा सबै मतपेटिका संकलन हुन ढिलाइ हुँदा मतगणना सुरु हुनसकेको छैन । उत्तरी गोरखाको चुमनुव्री गाउँपालिकाका सबै मतदान केन्द्रबाट अझैसम्म मतपेटिका जिल्ला सदरमूकाम पुर्याउन सकिएको छैन ।
चुमनुव्री गाउँपालिकामा २३ मतदान केन्द्र छन् । ती केन्द्रका मतपेटिका शुक्रवार नेपाली सेनाको हेलिकप्टरमार्फत ढुवानी गर्न सुरु गरिएको थियो । तर, खराब मौसमका कारण सबै ठाउँको मतपेटिका ल्याउन नसकिएको प्रमुख जिल्ला अधिकारी तुलसी श्रेष्ठले जानकारी दिए ।
‘नौ वटा केन्द्रको मतपेटिका आयो, १४ वटाको अझै बाँकी छ,’ उनले भने, ‘मौसमले साथ नदिएपछि अरु फ्लाइट हुन सकेन ।’
नाम्रुङ, प्रोक र सिर्दिवासका मतदान केन्द्रबाट मतपेटिका संकलन हुन बाँकी रहेको प्रजिअ श्रेष्ठले जानकारी दिए । ‘हेलिकप्टर स्ट्यान्डबाइ राखेका छौँ । भोलि(शनिबार) मौसम सफा भए बिहानै लिएर आउँछ’, उनले भने ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Apartment for Rent in Hattiban")
प्रतिक्रिया 4