युद्धका बाबजुद इरानी फुटबल टोलीलाई अमेरिकामा स्वागत गर्ने ट्रम्पको भनाइ

News Summary

Generated by OK AI. Editorially reviewed.

अमेरिकी राष्ट्रपति डोनाल्ड ट्रम्पले इरानी राष्ट्रिय फुटबल टोलीलाई आगामी विश्वकप खेल्न अमेरिकामा स्वागत गरिने बताएका छन्।
फिफा अध्यक्ष जियानी इन्फान्टिनोले ट्रम्पसँगको भेटमा विश्वकप तयारी र सुरक्षाका विषयमा छलफल भएको उल्लेख गरेका छन्।
ट्रम्पले मध्यपूर्व तनावका बाबजुद खेलकुदलाई राजनीतिको छायामा नराख्ने र इरानी टोलीको सहभागितामा बाधा नहुने बताए।

२७ फागुन, काठमाडौं । इरान र इजरायल–अमेरिका बीचको भीषण युद्ध जारी रहेकै समयमा अमेरिकी राष्ट्रपति डोनाल्ड ट्रम्पले इरानी राष्ट्रिय फुटबल टोलीलाई आगामी विश्वकप खेल्न अमेरिकामा स्वागत गरिने बताएका छन् ।

फिफा अध्यक्ष जियानी इन्फान्टिनोले सामाजिक सञ्जाल इन्स्टाग्राममार्फत राष्ट्रपति ट्रम्पसँगको भेटबारे जानकारी दिँदै सो कुरा उल्लेख गरेका हुन् ।

सन् २०२६ मा उत्तर अमेरिकामा आयोजना हुन लागेको विश्वकपका लागि इरानले यसअघि नै छनोट चरण पार गरिसकेको छ ।

इन्फान्टिनोका अनुसार वासिङ्टनमा भएको सो भेटमा विश्वकपको तयारी र सुरक्षाका विषयमा छलफल भएको थियो ।

राष्ट्रपति ट्रम्पले मध्यपूर्वमा जारी तनाव र सैन्य कारबाहीका बाबजुद पनि खेलकुदलाई राजनीतिको छायामा नराख्ने आशय व्यक्त गर्दै इरानी टोलीको सहभागितामा कुनै बाधा नहुनेमा जोड दिएका छन् ।

‘छलफलका क्रममा राष्ट्रपति ट्रम्पले इरानी टोलीलाई संयुक्त राज्य अमेरिकामा प्रतिस्पर्धा गर्न अवश्य पनि स्वागत गर्नुभयो,’ इन्फान्टिनोले लेखेका छन् ।

यस निर्णयले युद्धको तनावका बीच पनि विश्व खेलकुद जगत्मा केही आशाको सञ्चार गरेको छ ।