‘जनभावनाअनुरुप एकताबद्ध भएर प्रस्तुत हुने’

News Summary

Generated by OK AI. Editorially reviewed.

नेपाली कांग्रेसको राष्ट्रियसभा संसदीय दलले जनभावना अनुरुप माथिल्लो सदनमा एकताबद्ध भएर प्रस्तुत हुने निर्णय गरेको छ।
राष्ट्रियसभाका बहालवाला र नवनिर्वाचित सदस्यहरूबीच बुधबार परिचयात्मक कार्यक्रमपछि दलले यस्तो निर्णय गरेको हो।
प्रमुख सचेतक कृष्णबहादुर रोकायले आगामी दिनमा दल राष्ट्रियसभामा सक्रिय र विशेष जिम्मेवारीपूर्वक प्रस्तुत हुने बताए।

२७ फागुन, काठमाडौं । नेपाली कांग्रेसको राष्ट्रियसभा संसदीय दलले जनभावना अनुरुप माथिल्लो सदनमा एकताबद्ध भएर प्रस्तुत हुने निर्णय गरेको छ ।

राष्ट्रियसभाका बहालवाला र नवनिर्वाचित सदस्यहरूबीच बुधबार सम्पन्न परिचयात्मक एवं अन्तरक्रिया कार्यक्रमपछि दलले जनभावना अनुरुप माथिल्लो सदनमा सक्रिय र विशेष जिम्मेवारीपूर्वक प्रस्तुत हुने निर्णय गरेको हो ।

‘देशको समसामयीक राजनीतिक परिस्थितिबारे छलफल गरियो,’ प्रमुख सचेतक कृष्णबहादुर रोकायले भने, ‘आगामी दिनमा जनताको भावनाअनुरुप दलको तर्फबाट राष्ट्रियसभामा एकताबद्ध भएर सक्रिय र विशेष जिम्मेवारीपूर्वक प्रस्तुत हुने निर्णय गरियो ।’

संसदीय दलको तर्फबाट ११ माघमा सम्पन्न राष्ट्रियसभा सदस्य निर्वाचनमा पार्टीकातर्फबाट निर्वाचित सांसदहरूलाई स्वागत गरिएको उनले बताए ।