२०८२ फागुन २७ गते २२:२५ 
News Summary
Generated by OK AI. Editorially reviewed.- राष्ट्रिय लिग फुटबलमा जावलाखेल युथ क्लब र सातदोबाटो युथ क्लबले १-१ गोल गर्दै अंक बाँडेका छन्।
- खेलको २२औं मिनेटमा बोबाकर सिसोकोले गोल गरेपछि जगजित श्रेष्ठले इन्जुरी समयमा बराबरी गोल गरे।
- बराबरीपछि जावलाखेल ९ खेलमा १० अंकसहित नवौं स्थानमा र सातदोबाटो ७ अंकसहित १४औं स्थानमा छ।
२७ फागुन, काठमाडौं । राष्ट्रिय लिग फुटबलमा जावलाखेल युथ क्लब र सातदोबाटो युथ क्लबले बराबरी खेल्दै अंक बाँडेका छन् ।
बुधबार एन्फा कम्प्लेक्स सातदोबाटोमा भएको खेलमा दुवै टोलीले १-१ गोल गर्दै अंक बाँडेका हुन् । राष्ट्रिय लिग खेल्न अस्ट्रेलियाबाट नेपाल आएका जगजित श्रेष्ठले इन्जुरी समयमा गोल गर्दै सातदोबाटोलाई हारबाट जोगाएका थिए ।
खेलको २२औं मिनेटमा बोबाकर सिसोकोले गोल गर्दै जावलाखेललाई अग्रता दिलाएका थिए । खेल सकिन लाग्दा इन्जुरी समयमा जगजितले सातदोबाटोका लागि बराबरी गोल गरे ।
बराबरीपछि ९ खेलबाट १० अंक जोडेको जावलाखेल नवौं स्थानमा उक्लिएको छ भने सातदोबाटो ९ खेलमा ७ अंक जोडेर १४औं स्थानमा छ ।
आजै भएको पहिलो खेलमा एनआरटी र लालिगुराँस एसोसिएसनले पनि १-१ को बराबरी खेलेका थिए ।
प्रतिक्रिया 4