पुरुषलाई सुरक्षा पन्तको प्रश्न : बलात्कार, हत्याजस्ता अपराधको जड के हो, सत्य बोल्नुहोला

Listen News

0:00

0:30

🔊

News Summary

Generated by OK AI. Editorially reviewed.

सुर्खेतकी १६ वर्षिया किशोरी इनिशा विकको हत्या प्रकरणमा सर्वसाधारणदेखि सेलिब्रेटीले दोषीलाई कार्वाहीको माग गरेका छन्।
अभिनेत्री सुरक्षा पन्तले सामाजिक सञ्जालमा पुरुषहरूलाई प्रश्न गर्दै बलात्कार र हत्याजस्ता जघन्य अपराधको जड के हो भनेर सत्य बोल्न आग्रह गरेकी छन्।
फिल्म, संगीत, टिभी र ब्युटी पेजेन्टका सेलिब्रेटीले इनिशा विकको हत्या प्रकरणमा दुःख व्यक्त गर्दै दोषीलाई कार्वाही गर्नुपर्ने बताएका छन्।

काठमाडौं । सुर्खेतकी १६ वर्षिया किशोरी इनिशा विकको मृत्यु प्रकरणपछि सर्वसाधारणदेखि सेलिब्रेटीले सामाजिक सञ्जालमा प्रतिक्रिया जनाइरहेका छन् । दोषीलाई कार्वाहीको दायरामा ल्याउन उनीहरूको माग छ ।

यस्तोमा, यही सन्दर्भबारे अभिनेत्री सुरक्षा पन्तले गरेको सामाजिक सञ्जाल पोस्ट अहिले भाइरल छ । उनले बलात्कार र हत्याजस्ता जघन्य अपराधको जड के हो, सत्य बोल्नुहोला भन्दै पुरुषहरूलाई प्रश्न गरेकी छन् ।

उनी लेख्छिन्, ‘प्रिय पुरुष पात्र, केवल एक प्रश्नको उत्तर दिनुभए आभारी हुने थिएँ । बलात्कार-हत्याको यस्तो जघन्य अपराधको जड के हो ? सत्य बोल्नुहोला । यद्यपि, उत्तर छोरीहरूलाई थाहा नभएको चाहिँ होइन । तरपनि हाम्रो उकुसमुकुसलाई सम्बोधन गर्न हजुरहरूको पनि धर्म हुनुपर्ने हो । माया अमर रहोस् ।’

यो टिप्पणीको पुछारमा उनले मौन, बलात्कारमुक्त, समाज शब्दको नेपाली ह्यासट्याग प्रयोग गरेकी छन् । अभिनेत्री पन्त सामाजिक सन्दर्भमा बेलाबखत आफ्ना धारणा राखिरहन्छिन् ।

इनिशा विकको हत्या प्रकरणमा फिल्म, संगीत, टिभी, कन्टेन्ट क्रिएटरदेखि ब्युटी पेजेन्टका सेलिब्रेटीले धारणा राखिरहेका छन् । उनीहरूले हत्याप्रति दुःख जनाउँदै दोषीलाई कार्वाहीको माग राखेका छन् ।