प्रतिकूल मौसमका कारण रेसुङ्‍गा विमानस्थलमा उडान प्रभावित

फाइल तस्वीर

News Summary

Generated by OK AI. Editorially reviewed.

गुल्मीको रेसुङ्गा विमानस्थलमा मौसमको प्रतिकूलताका कारण उडान अवरुद्ध भएको छ।
नेपाल वायुसेवा निगमले सातामा तीन पटक मात्र उडान गर्दै आएको र बाक्लो तुवाँलोले उडान अवरुद्ध भएको जनाएको छ।
निगमसँग तीन वटा ट्वीनअटर जहाज मात्र रहेका कारण मर्मत र जहाज अभावले उडान तालिका परिवर्तन गरेको छ।

२८ फागुन, गुल्मी । गुल्मीको रेसुङ्गा विमानस्थलमा मौसमको प्रतिकूलताका कारण उडान अवरुद्ध भएको छ । फागुनको पहिलो सातादेखि सातामा तीन पटक मात्र उडान गर्दै आएको नेपाल वायुसेवा निगमले पछिल्ला केही दिनयता बाक्लो तुवाँलोका कारण नियमित उडान गर्न नसकेको जनाएको छ ।

एक सातादेखि लगातार बाक्लो तुवाँलोका कारण वायुसेवा निगमको गत आइतबार र मंगलबारको उडान अवरुद्ध बनेको रेसुङ्गा विमानस्थल गुल्मीका स्टेसन प्रमुख सुमन थापाले जानकारी दिए ।

निगमले उडान तालिकामा परिवर्तन गरेसँगै रेसुङ्गा विमानस्थलबाट आइतबार, मंगलबार र शनिबार गरी सातामा तीन पटक मात्र उडान हुँदै आएको छ ।

निगमका हाल तीन वटा मात्र ‘ट्वीनअटर’ जहाज रहेको र उक्त जहाजहरु समय समयमा मर्मत गर्नुपर्ने भएका कारण जहाज अभावमा उडान तालिकामा परिवर्तन गरेको जनाएको छ ।

हाल काठमाडौँबाट गुल्मीका लागि सात हजार ५०० रुपैयाँ र गुल्मीदेखि काठमाडौँका लागि सात हजार ३०० रुपैयाँ भाडादर निर्धारण गरिएको छ ।