एमाले कास्की इन्चार्ज कृष्ण थापाको हृदयघातबाट मृत्यु

चुनावी समीक्षा बैठकमै ढलेका थिए

अनलाइनखबर

२०८२ फागुन २८ गते १६:०४

News Summary

Generated by OK AI. Editorially reviewed.

नेकपा एमाले कास्कीका इन्चार्ज कृष्ण थापाको हृदयघातका कारण पोखराको मणिपाल शिक्षण अस्पतालमा निधन भएको छ।
थापा २०५४ सालमा पोखराको मेयर निर्वाचित भएका थिए र २०७४ सालमा गण्डकी प्रदेश सभा सदस्य थिए।
उनले २०७९ मा मेयर पदको निर्वाचनमा पराजित भएका थिए र यसपटकको चुनावमा टिकट रश्मी आचार्यलाई दिइएको थियो।

२८ फागुन, पोखरा । नेकपा एमाले कास्कीका इन्चार्ज कृष्ण थापाको निधन भएको छ । उनलाई हृदयघात भएर पोखराको मणिपाल शिक्षण अस्पतालमा लगिएको थियो ।

मनिपाल शिक्षण अस्पतालमा भर्ना गरिएका निधन भएको घटेको एमाले कास्की अध्यक्ष वैनबहादुर क्षेत्री अधिकारीले पुष्टि गरे । अस्पताल स्रोतले पनि थापाको निधन भएको जानकारी दिएको छ ।

कास्की कमिटीले आज चुनावी समीक्षा बैठक डाकेको थियो र थापा बैठकमै ढलेका थिए । उनी २०५४ सालमा पोखराको मेयर निर्वाचित भएका थिए ।२०७४ सालमा उनी गण्डकी प्रदेश सभा सदस्य थिए भने २०७९ मा उनी पोखराको मेयर पदको निर्वाचनमा पराजित भएका थिए ।

यसपटकको चुनावमा पनि थापाले नै टिकट प्राप्त गरेका थिए । तर, पछि त्यही टिकट रश्मी आचार्यलाई दिइएको थियो ।

कास्की जिल्ला कमिटीका पूर्वअध्यक्ष थापा जेनजी आन्दोलनपछिकोएमालेको महाधिवेशनमा पनि केन्द्रीय सदस्य बनेका थिए ।