२०८२ चैत १ गते ८:१६ 
News Summary
Generated by OK AI. Editorially reviewed.- इन्टर मिलानले घरेलु मैदानमा एटलान्टासँग १-१ को बराबरी खेलेको छ ।
- इन्टरका फ्रान्सेस्को पिओ इस्पोसितोले २६औं मिनेटमा अग्रता दिलाएपनि कायम राख्न सकेन ।
- अर्को खेलमा युभेन्ट्सले उडिनेजीलाई १-० ले पराजित गरेको छ ।
१ चैत, काठमाडौं । इटालियन सिरी ए को शीर्ष स्थानमा रहेको इन्टर मिलान एटलान्टासँग १-१ को बराबरीमा रोकिएको छ ।
घरेलु मैदानमा पहिलो हाफमा लिएको अग्रता जोगाउन नसक्दा इन्टरले अंक बााड्न बाध्य भएको हो ।
फ्रान्सेस्को पिओ इस्पोसितोले २६औं मिनेटमा गोल गर्दै इन्टरलाई अग्रता दिलाएका थिए । तर एटलान्टाका लागि निकोलो किस्टोभिचले ८२औं मिनेटमा बराबरी गोल फर्काए ।
बराबरीपछि इन्टरले शीर्ष स्थानमा १० अंकको अग्रता बनाउने अवसर गुमाएको छ । इन्टरको २९ खेलबाट ६८ अंक छ । एक खेल कम खेलेको एसी मिलान ६० अंकसहित दोस्रो स्थानमा छ र मिलान सामु अंकदुरी अझ घटाउने अवसर छ । एसी मिलानले सोमबार लाजियोसँग खेल्दैछ । यसअघि एसी मिलानले इन्टरलाई पराजित गरेको थियो ।
एटलान्टा २९ खेलबाट ४७ अंकसहित सातौं स्थानमा छ ।
अर्को खेलमा युभेन्ट्सले उडिनेजीलाई १-० ले पराजित गर्दै चौथो स्थानमा उक्लेको छ । युभेन्ट्सका लागि जेरेबी बोगाले ३८औं मिनेटमा गोल गरेका थिए ।
युभेन्ट्सले २९ खेलबाट ५३ अंक जोडेको छ । उडिनेजी २९ खेलबाट ३६ अंकसहित ११औं स्थानमा छ ।
प्रतिक्रिया 4