अनलाइनखबरकर्मी ऋतु काफ्ले सम्मानित

News Summary

Generated by OK AI. Editorially reviewed.

विश्व उपभोक्ता अधिकार दिवसमा अनलाइनखबरकर्मी ऋतु काफ्ले उपभोक्ता अधिकार संरक्षणमा योगदान पुर्‍याएको भन्दै सम्मानित भएकी छिन्।
उद्योग, वाणिज्य तथा आपूर्तिमन्त्री अनिलकुमार सिन्हाले ४२औं उपभोक्ता दिवसमा काफ्लेलाई सम्मानपत्र हस्तान्तरण गरेका छन्।
कार्यक्रममा उपभोक्ता क्षेत्रमा काम गरेका उपभोक्ताकर्मी र पत्रकारहरू समेत सम्मानित भएका थिए।

१ चैत, काठमाडौं । विश्व उपभोक्ता अधिकार दिवसमा अनलाइनखबरकर्मी ऋतु काफ्ले सम्मानित भएकी छिन् ।

उपभोक्ता अधिकार संरक्षण, संवर्द्धन तथा जागरणमा सञ्चार माध्यम मार्फत पुर्‍याएको योगदानको कदर गर्दै वाणिज्य, आपूर्ति तथा उपभोक्ता संरक्षण विभागले काफ्लेलाई आइतबार सम्मान गरेको हो ।

४२औं उपभोक्ता दिवसमा उद्योग, वाणिज्य तथा आपूर्तिमन्त्री अनिलकुमार सिन्हाले काफ्लेलाई सम्मानपत्र हस्तान्तरण गरेका छन् । कार्यक्रममा उद्योग वाणिज्य तथा आपूर्ति मन्त्रालयका सचिव मधुसूदन बुर्लाकोटी, विभागका महानिर्देशक रोशन ज्ञवाली, उपभोक्ताकर्मी लगायत सहभागी थिए ।

अनलाइनखबरकर्मी काफ्ले उपभोक्ता, उद्योग, कृषि लगायत क्षेत्रमा कलम चलाउँदै आएकी छिन् ।

कार्यक्रममा उपभोक्ता क्षेत्रमा काम गरेका उपभोक्ताकर्मी तथा उपभोक्ता अधिकारको क्षेत्रमा कलम चलाउने अन्य पत्रकार समेत सम्मानित भएका छन् ।

‘सुरक्षित उत्पादन, विवेकशील उपभोक्ता र जिम्मेवार प्रशासन’ भन्ने नारासाथ आज विश्व उपभोक्ता अधिकार दिवस २०८२ मनाइएको छ ।