कुवेतमा रहेका नेपाली साउदी हुँदै नेपाल फर्किन पाउने

News Summary

Generated by OK AI. Editorially reviewed.

कुवेतमा वैध रेसिडेन्ट पर्मिट भएका नेपालीले साउदी अरब हुँदै नेपाल फर्किन पाउने भएका छन्।
कुवेतस्थित नेपाली दूतावासले कुवेती सिभिल आईडी भएका नेपालीलाई अनलाइनमार्फत साउदी भिसाको लागि आवेदन दिन अनुरोध गरेको छ।
साउदी भिसा पाएपछि सडकमार्गबाट साउदी प्रवेश गरी विमानस्थल हुँदै नेपाल जान सकिने व्यवस्था मिलाइएको छ।

१ चैत, काठमाडौं । कुवेतमा रहेका नेपाली साउदी अरब हुँदै नेपाल फर्किन पाउने भएका छन् । कुवेतको वैध रेसिडेन्ट पर्मिट (कुवेती सिभिल आईडी) भएर कुवेतमा बसोबास गर्ने नेपाली साउदी हुँदै नेपाल फर्किन पाउने भएका हुन् ।

कुवेतस्थित नेपाली दूतावासले एक सूचना जारी गर्दै कुवेती सिभिल आईडी भएका नेपालीले अनलाइनमार्फत साउदी भिसाको लागि आवेदन दिन सक्ने जनाएको छ । भिसा प्राप्त भएपछि सडकमार्गबाट साउदी प्रवेश गरी साउदीको विमानस्थल हुँदै नेपाल जान सकिने दूतावासले जनाएको छ ।

साउदी भिसाका लागि अनलाइन मार्फत आवेदन दिन अनुरोध गरिएको छ। मध्यपूर्वमा विकसित विद्यमान परिस्थितिलाई दृष्टिगत गर्दै साउदी अरेबियाको विमानस्थल हुँदै नेपाल जान चाहने नेपालीका लागि उक्त व्यवस्था मिलाइएको हो ।