२०८२ चैत ३ गते १२:०८ 
News Summary
Generated by OK AI. Editorially reviewed.- जय ट्रफी एलिट कपको फाइनलमा नेपाल पुलिस क्लबले टस जितेर बलिङ रोजेको छ र त्रिभुवन आर्मी क्लबले पहिला ब्याटिङ गर्ने भएको छ ।
- फाइनल खेल तीन दिवसीय हुनेछ र चार टोलीले प्रतिस्पर्धा गरेको प्रतियोगितामा आर्मी र पुलिस शीर्ष दुईमा रहँदै फाइनल पुगेका हुन् ।
- जय ट्रफी फाइनलको मिति दुई पटक परिवर्तन भएको हो ।
३ चैत, काठमाडौं । जय ट्रफी एलिट कपको फाइनलमा नेपाल पुलिस क्लबले टस जितेर बलिङ रोजेपछि त्रिभुवन आर्मी क्लबले पहिला ब्याटिङ गर्ने भएको छ ।
मुलपानी क्रिकेट मैदानमा पुलिसका कप्तान आरिफ शेखले टस जितेर बलिङ रोज्दै आर्मी ब्याटिङको निम्तो दिएका हुन् ।
फाइनल खेल तीन दिवसीय हुनेछ । यसअघि लिग चरणको खेल दुई दिनको भएको थियो । चार टोलीले प्रतिस्पर्धा गरेको जय ट्रफीमा सिंगल राउण्ड रोविनको खेलपछि आर्मी र पुलिस शीर्ष दुईमा रहँदै फाइनल पुगेका हुन् ।
लिग चणमा आर्मीले पुलिसलाई ९ विकेटले पराजित गरेको थियो । फाइनलमा पुलिस त्यसको बदला लिने लक्ष्यमा छ ।
जय ट्रफी फाइनलको मिति दोस्रो पटक परिवर्तन भएको हो ।
यसअघि फागुन १७ देखि १९ सम्म फाइनल खेल हुने तय थियो । तर २१ फागुनको निर्वाचन र फागुन २६ देखि हुने तय भएको लिग २ सिरिजका लागि जय ट्रफी फाइनल खेल एक महिना पछाडि सार्दै चैत २१ देखि २३ सम्म खेलाइने भएको थियो । तर, मध्यपूर्व युद्धका कारण लिग २ सिरिज नै स्थगित भएपछि नेपाल क्रिकेट संघ (क्यान) ले जय ट्रफी फाइनल अघि सारेको हो ।
तस्बीर: क्यान
प्रतिक्रिया 4