बहुगन्तव्य शैक्षिक मेलाको आयोजना गर्दै गोरेटो

News Summary

Generated by OK AI. Editorially reviewed.

गोरेटो एजुकेशन कन्सलट्यान्सीले २० मार्चमा काठमाडौंको बागबजारस्थित सल्यान हाउसमा बहुगन्तव्य शैक्षिक मेलाको आयोजना गर्ने भएको छ।
मेलामा १५ भन्दा बढी कलेज तथा विश्वविद्यालयका प्रतिनिधिहरू सहभागी भएर विद्यार्थीलाई कोर्ष, स्कलरसिप, एडमिसन र भिसा गाइडेन्स दिनेछन्।
विद्यार्थीहरूले मेलामा अष्ट्रेलिया, क्यानडा, यूके र यूएसएमा अध्ययनका अवसरबारे प्रत्यक्ष जानकारी लिन सक्नेछन्।

३ चैत, काठमाडौं । गोरेटो एजुकेशन कन्सलट्यान्सीले बहुगन्तव्य शैक्षिक मेलाको आयोजना गर्ने भएको छ ।

शैक्षिक मेला २० मार्चमा काठमाडौंको बागबजारमा रहेको सल्यान हाउसमा आयोजना गरिने गोरेटोका सीईओ धिरज कँडेलले जानकारी दिए ।

कँडेलका अनुसार कार्यक्रम बिहान १० बजेदेखि साँझ ५ बजेसम्म संचालनमा आउनेछ । मेलामा विद्यार्थीहरूले अष्ट्रेलिया, क्यानडा, यूके र यूएसएमा अध्ययनका अवसरबारे जानकारी लिन सक्नेछन् ।

कार्यक्रममा १५ भन्दा बढी कलेज तथा विश्वविद्यालयका रिप्रेजेन्टेटिभ्स सहभागी रहनेछन् । जससँग विद्यार्थीहरूले प्रत्यक्ष रूपमा आफ्नो अध्ययन योजना, कोर्ष, स्कलरसिप, एडमिसन, भिसा गाइडेन्स र भविष्यका अवसरबारे जानकारी लिन सक्ने आयोजकको भनाइ छ ।

सो अवसरमा विद्यार्थीहरूले आफ्नो रुची र योजनाअनुसार विभिन्न कोर्स, करियर, उपलब्ध इन्टेक, स्कलरसिप तथा भविष्यका अवसरबारे बुझ्न सक्नेछन् ।

साथै भर्ना, भीसा गाइडेन्स र पीआरसम्बन्धी जानकारी पनि कलेजका प्रतिनिधिसँग प्रत्यक्ष तथा वरिष्ठ परामर्शकर्तासँगबाट पनि लिन सकिने बजार व्यवस्थापक प्रकाश रेग्मीले जानकारी दिए ।

रेग्मीका अनुसार एउटै स्थानमा विभिन्न देशका विकल्पहरूबारे बुझ्न र तुलना गर्न सकिने भएकाले पनि यो फेयर विद्यार्थीहरूका लागि उपयोगी हुनेछ ।