कार्की आयोगको प्रतिवेदन विवादास्पद : बार

News Summary

Generated by OK AI. Editorially reviewed.

नेपाल बार एशोसियसनले गौरीबहादुर कार्की नेतृत्वको जाँचबुझ आयोगको प्रतिवेदनमाथि असहमतिसहित विरोध जनाउने निर्णय गरेको छ।
बारका अध्यक्ष डा. विजयप्रसाद मिश्रले प्रतिवेदनमा स्वतन्त्र न्यायपालिकाको मूल्य मान्यतामाथि प्रहार र कानुन व्यवसायीमाथि लान्छना भएको बताए।
बारले प्रतिवेदनमाथि ज्ञापन पत्र बुझाउने र विस्तृत अध्ययनका लागि छुट्टै समिति बनाउने निर्णय गरेको छ।

१२ चैत, काठमाडौं । नेपाल बार एशोसियसनको आकस्मिक बैठकले गौरीबहादुर कार्की नेतृत्वको जाँचबुझ आयोगको प्रतिवेदनमाथि असहमतिसहित विरोध जनाउने निर्णय गरेको छ ।

प्रतिवेदनका कतिपय ठाउँमा स्वतन्त्र न्यायपालिकाको मूल्य मान्यतामाथि प्रहार भएको, कानुन व्यवसायीमाथि लान्छना लगाइएको र अन्य आपत्तिजनक विषयवस्तु समावेश भएको देखिएकाले विरोध गर्नु परेको नेपाल बार एशोसियसनका अध्यक्ष डा. विजयप्रसाद मिश्रले बताए ।

उनले अनलाइनखबरसँग भने, ‘तत्कालका लागि प्रारम्भिक रुपमा प्रतिवेदनमाथि असहमति जनाउँदै सर्वोच्च अदालत र त्यहाँका न्यायाधीशहरूमाथि ज्ञापन पत्र बुझाउने निर्णय भएको छ । प्रतिवेदनमाथि विस्तृत अध्ययन गर्न छुट्टै समिति बनाउने निर्णय समेत भएको छ ।’

बारले सर्वोच्च अदालतका कतिपय फैसलामाथि अस्वाभाविक टिकाटिप्पणी भएको, आत्मपरक रुपमा मनोमानी व्याख्या र विषयवस्तु समावेश भएको भन्दै छानबिन समितिका पदाधिकारीहरूको काम कारबाहीलाई कार्यादेश बाहिर गएर भएको काम भनी टिप्पणी गरेको छ ।

बारले जाँचबुझ आयोगको प्रतिवेदनबारे अध्ययन समितिको निष्कर्षपछि आफ्नो विस्तृत धारणा सार्वजनिक गरेको छ ।