२०८२ चैत १२ गते २१:१७ 
News Summary
Generated by OK AI. Editorially reviewed.- नेपाली टेनिस टोली आईटीएफ डेभलपमेन्ट च्याम्पियनसिप (फाइनल) मा सहभागी हुन १२ चैत, काठमाडौंबाट श्रीलंकाको कोलम्बो प्रस्थान गरेको छ।
- प्रतियोगिता मार्च २९ देखि अप्रिल १० सम्म हुनेछ र सर्किट १ र २ मा नेपालको सहभागिता रहनेछ।
- ब्वाइजमा डल्लाकोटी र पौडेल तथा महिलामा सारा पन्त र एरा खत्रीले नेपालको चुनौती प्रस्तुत गर्नेछन् र टोलीलाई रामचरित्र मेहताले शुभकामना दिएका छन्।
१२ चैत, काठमाडौं । आईटीएफ डेभलपमेन्ट च्याम्पियनसिप (फाइनल) मा सहभागी हुन नेपाली टेनिस टोली बिहीबार श्रीलंकाको कोलम्बो प्रस्थान गरेको छ ।
मार्च २९ देखि अप्रिल १० तारिखसम्म हुने प्रतियोगितामा सर्किट १ र २ गरी छुट्टाछुट्टै प्रतिस्पर्धा हुनेछ । दुवैमा नेपालको सहभागिता रहने छ ।
ब्वाइजमा विश्वविशेष डल्लाकोटी र अर्याशराज पौडेल तथा महिलामा सारा पन्त र एरा खत्रीले नेपालको चुनौती प्रस्तुत गर्ने छन् ।
प्रशिक्षकमा सन्तोष खत्री छन् । सन्तोष श्रीलंकामै छन् ।
प्रतियोगितामा एसियाका १५ राष्ट्रको सहभागिता रहने नेपाल टेनिस संघले जनाएको छ ।
टोलीलाई सफलताको शुभकामना दिदै राष्ट्रिय खेलकुद परिषद्का सदस्य–सचिव रामचरित्र मेहताले बिहीबारै एक कार्यक्रमबीच बिदाइ गरे ।
प्रतिक्रिया 4