रचनात्मक सहयोग हुने भन्दै बालेनलाई गगनले दिए बधाई

News Summary

Generated by OK AI. Editorially reviewed.

नेपाली कांग्रेसका सभापति गगनकुमार थापाले नवनियुक्त प्रधानमन्त्री बालेन्द्र शाहलाई सामाजिक सञ्जालमार्फत् बधाई दिएका छन्।
सभापति थापाले प्रधानमन्त्री बालेन्द्र शाह र मन्त्रिपरिषद्का नवनियुक्त मन्त्रीहरूमा सफल कार्यकालको शुभकामना व्यक्त गरेका छन्।
थापाले कांग्रेसले देशको समुन्नति, नागरिक अधिकार रक्षा र सुशासनका लागि सरकारलाई रचनात्मक सहयोग गर्ने उल्लेख गरेका छन्।

१३ चैत, काठमाडौं । नेपाली कांग्रेसका सभापति गगनकुमार थापाले नवनियुक्त प्रधानमन्त्री बालेन्द्र शाह (बालेन) लाई बधाई दिएका छन् ।

पदभार ग्रहणका लागि सिंहदरबारस्थित प्रधानमन्त्री तथा मन्त्रिपरिषद्को कार्यालय पुगेलगत्तै उनले सामाजिक सञ्जाल एक्समार्फत् प्रधानमन्त्री बालेनलाई बधाई दिएका हुन् ।

‘नेपालका नवनियुक्त प्रधानमन्त्री बालेन्द्र शाह तथा मन्त्रिपरिषद्का नवनियुक्त मन्त्रीहरूमा हार्दिक बधाई तथा सफल कार्यकालको हार्दिक शुभकामना व्यक्त गर्दछु,’ सभापति थापाले भनेका छन् ।

देशको समुन्नति, नागरिक अधिकार रक्षा र सुशासनको लागि सरकारका हरेक सकारात्मक प्रयासहरूमा कांग्रेसको रचनात्मक सहयोग र साथ रहने उनले उल्लेख गरेका छन् ।