देउवा निवास बेचिएको छैन : सचिवालय

News Summary

Generated by OK AI. Editorially reviewed.

नेपाली कांग्रेसका निवर्तमान सभापति शेरबहादुर देउवाको सचिवालयले बूढानीलकण्ठस्थित घर बिक्री नभएको र कुनै बिक्री कार्यक्रम नरहेको बताएको छ।
सचिवालयले केही सञ्चारमाध्यममा गलत सूचनासहित घर बिक्री भएको भ्रामक सूचना संप्रेषण भएको स्पष्ट पारेको छ।
देउवाको घर जेनजी आन्दोलनमा जलाइएको थियो र ऐतिहासिक महत्वका कारण बिक्री नगरिने सचिवालयले दाबी गरेको छ।

१९ चैत, काठमाडौं । नेपाली कांग्रेसका निवर्तमान सभापति शेरबहादुर देउवाको सचिवालयले बूढानीलकण्ठस्थित घर बिक्री नभएको बताएको छ ।

देउवा निवास बिक्री भएको गाइँगुइँ चलेपछि सचिवालयले बिहीबार बिक्री नगरिएको र बेच्ने कुनै कार्यक्रम पनि नरहेको बताएको हो ।

‘बूढानीलकण्ठको देउवा निवास बिक्री गर्ने कुनै कार्यक्रम छैन,’ सचिवालयले भनेको छ, ‘केही सञ्चारमाध्यममा गलत सूचनासहित घर बिक्री गरेको र बिक्रीमा राखेको भनेर भ्रामक सूचना संप्रेशण भएकाले बिक्रीमा नराखेको स्पष्ट पारिएको हो ।’

जेनजी आन्दोलनका क्रममा देउवा निवास जलाइएको थियो । पाँच पटक प्रधानमन्त्री भएका देउवाको उक्त घरको ऐतिहासिक महत्व भएकाले पनि बिक्री नगरिने सचिवालयले दाबी छ ।

‘उक्त घर रहेको जग्गा डा. आरजु राणालाई उहाँको माइतीले दाइजोको रुपमा २०५० सालमा खरिद गरिदिएको हो,’ सचिवालयले भनेको छ ।