ठमेलबाट समातिएका २० विदेशी महिला १ वर्ष नेपाल आउन नपाउने गरी डिपोर्ट

News Summary

Generated by OK AI. Editorially reviewed.

ठमेलबाट पक्राउ परेका २० युगाण्डाका महिलालाई एक वर्ष नेपाल आउन नपाउने गरी डिपोर्ट गरिएको छ।
यी महिलाहरुले अनैतिक क्रियाकलाप र यौनधन्दामा संलग्न भएको आरोपमा प्रहरीले मुद्दा चलाएको छ।
जिल्ला प्रशासन कार्यालयले अभद्रको कसुरमा १० हजार धरौटीमा रिहा गरेपछि अध्यागमन विभागले डिपोर्ट गरेको हो।

४ वैशाख, काठमाडौं । ठमेलबाट पक्राउ परेका २० विदेशी महिला एक वर्ष नेपाल आउन नपाउने गरी डिपोर्ट भएका छन् ।

ठमेल क्षेत्रमा अनैतिक क्रियाकलाप तथा अभद्र व्यवहार गर्ने र यौनधन्दामा लागेको आरोपमा २० जना युगाण्डाका महिला पक्राउ परेका थिए । ११ चैमा समातिएका उनीहरुलाई अभद्रको कसुरमा प्रहरी वृत्त सोह्रखुट्टेबाट मुद्दा चलाइएको थियो ।

अभद्रको कसुरमा जिल्ला प्रशासन कार्यालयले उनीहरुलाई १० हजार धरौटीमा रिहा गरेको जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईले बताए ।

प्रशासनको आदेशपछि छुटेका उनीहरुलाई अध्यागन विभाग बुझाइएको थियो । अध्यागमनले एक वर्ष नेपाल आउन नपाउने गरी डिपोर्ट गरेको हो ।

यो पनि पढ्नुहोस

ठमेलमा अनैतिक क्रियाकलापमा संलग्न २० विदेशी महिला पक्राउ

युगाण्डाका यी महिलाहरु काठमाडौं महानगरपालिका–२६ फायरचोकस्थित सडकखण्डबाट पक्राउ परेका थिए ।

बाटो हिंड्ने विदेशी तथा स्वदेशी पर्यटक, सर्वसाधरण पुरुषहरूलाई अनावश्यक रुपमा बाटो छेकी अश्लिल क्रियाकलाप सम्बन्धी मोलमोलाइ गरी दु:ख दिइरहेको अवस्थामा फेला पारी नियन्त्रणमा लिइएको प्रहरीले जनाएको थियो ।

यसअघि पनि यौनधन्दामा लागेको आरोपमा ठमेलबाटै युगाण्डाका महिला पक्राउ परेका थियो । ती महिलाहरुलाई पनि मुद्दा चलाएर डिपोर्ट गरिएको थियो । अहिले फेरि त्यस्तै शैलीमा २० जनाको महिला देखा परेकाले एक वर्ष नेपाल आउन नमिल्ने गरी डिपोर्ट गरिएको हो ।