२०८३ वैशाख १६ गते ६:१५ 
News Summary
Generated by OK AI. Editorially reviewed.- नेपालले आईसीसी क्रिकेट विश्वकप लिग–२ अन्तर्गत दोस्रो खेलमा ओमानसँग त्रिवि क्रिकेट मैदानमा साढे ९ बजे खेल्नेछ।
- नेपालले पहिलो खेलमा यूएईलाई हराइसकेको छ भने ओमानले यूएईसँग हार बेहोरेको छ।
- अंकतालिकामा नेपाल २१ खेलमा १४ अंकसहित सातौं र ओमान २५ खेलमा २९ अंकसहित तेस्रो स्थानमा छ।
१६ वैशाख, काठमाडौं । आईसीसी क्रिकेट विश्वकप लिग–२ अन्तर्गत नेपाल, युएई र ओमानबीचको ओडीआई शृंखलामा नेपालले आज दोस्रो खेल खेल्दै छ ।
नेपालले यो शृंखलाको आफ्नो दोस्रो खेलमा ओमानसँग खेल्न लागेको हो । खेल बिहान साढे ९ बजेदेखि त्रिवि क्रिकेट मैदानमा सुरु हुनेछ ।
यसअघि पहिलो खेलमा नेपालले यूएईलाई हराइसकेको छ । ओमानले भने पहिलो खेलमा यूएईसँग हार बेहोरेको छ ।
लिग–२ को अंकतालिकामा नेपाल २१ खेलबाट १४ अंक जोडेर सातौं स्थानमा छ भने ओमान २५ खेलमा २९ अंक जोडेर तेस्रो स्थानमा छ ।
यूएईको २२ खेलमा १२ अंक छ र आठौं स्थानमा छ ।
प्रतिक्रिया 4